Dzie ciapier hieroi miemnaha videa BRSM pra vybary-durybary?
Videa «Vybary-durybary» z 2010 hoda možna ličyć kłasikaj. Rolik narabiŭ šmat šumu nie tolki ŭ Biełarusi. My adšukali niekatorych hierojaŭ skandalnaha videa i vyśvietlili, što ź imi ciapier.
U 2010 hodzie rolik patrapiŭ u internet absalutna vypadkova. Jaho vykłała na svaju asabistuju staronku va «Ukantakcie» dziaŭčyna z BRSM, jakaja i źniała videa. Ale, jak heta byvaje, raptoŭna jano zavirusiłasia.
Zabiahajučy napierad skažam, što ŭ apieratarki žyćcio skłałasia nie samym paśpiachovym čynam: jana ŭ vyniku źjechała ŭ nievialiki horad i stała pracavać u biblijatecy.
Šmat na jakich placoŭkach (u tym liku i zamiežnych) rolik u vyniku byŭ vydaleny. Ale ž dzie-nidzie ŭ internecie možna adšukać staryja abmierkavańni. Niechta navat škadavaŭ maładych ludziej, jakija trapili ŭ kadr, ale atrymaŭ adkaz ad bolš žorstkich kamientataraŭ: «Lepš siabie paškaduj, bo hetyja ludzi kali-niebudź (spadziajusia, nie chutka) buduć na kirujučych pasadach». U niekatoraj stupieni vykazvańnie atrymałasia praročym.
Volha Šybko
Volha Šybko. Fota ź jaje fejsbuku
Pieršaja dziaŭčyna na videa, jakaja pytajecca: «Ty idzieš na vybary?» — heta Volha Šybko. Na toj momant jana była pieršaj sakratarkaj Pieršamajskaha rajonnaha kamiteta BRSM. Dziaŭčyna niekalki razoŭ pieramahała ŭ konkursach pryhažości, ale ž chto pra heta ciapier zhadaje? A voś vybary-durybary — nieŭmiručaja kłasika.
Paśla BRSM Volha pracavała kiraŭnicaj adździeła ŭ Minskim abłasnym vykanaŭčym kamitecie, a taksama pres-sakratarkaj u Ministerstvie justycyi.
Ciapier žančyna pracuje mieniedžarkaj pa suviaziach z hramadskaściu i ŚMI ŭ Nacyjanalnym centry abarony piersanalnych danych.
Alaksandr Kiśluk
Alaksandr Kiśluk. Fota ź jaho fejsbuka
Chłopiec, jaki na pytańnie «Što takoje vybary?» adkazvaje: «Vybary-turybary-barabary-murybary», — heta Alaksandr Kiśluk. Jaho žyćcio skłałasia niabłaha. Mužčyna pracuje ŭ stalicy dyrektaram haradskoj avaryjnaj słužby. Letaś Alaksandr radasna raskazvaŭ ahienctvu «Minsk-Naviny», što pradpryjemstva znachodzicca na samaakupnaści.
Miarkujučy pa instahramie Alaksandra, jamu vielmi padabajecca adpačyvać na Naračy.
Natalla Kołas
Natalla Kołas. Fota ź jaje instahramu
Jak i šmat chto ź inšych udzielnikaŭ videa, Natalla ŭ toj čas pracavała ŭ Pieršamajskim rajonnym kamitecie BRSM. Praŭda, tady jašče mieła dziavočaje proźvišča Valko.
Ciapier žančyna nazyvaje siabie ivent-pradziusarkaj. Jana pracuje ŭ ivent-ahienctvie «Ružovaja ziebra». Natalla zajmałasia arhanizacyjaj takich mierapryjemstvaŭ, jak, naprykład, viełafiestyval «Pieršy rovar», muzyčny fiestyval «Pružany fest», rabiła ŭračystaje adkryćcio kramy «Da domu» (pazicyjanavałasia jak biełaruski anałah Zara Home). Taksama žančyna ŭdzielničała ŭ padrychtoŭcy biełaruskaha vakalnaha šou «Faktar baj» — u tym liku zajmałasia vinšavańniami rasijskaj śpiavački Volhi Buzavaj, jakaja sioleta sustreła dzień narodzinaŭ na biełaruskaj scenie.
Jakija nastupstvy byli ŭ publikacyi rolika, raspavioŭ adzin z tych, chto naziraŭ za raźvićciom hetaj historyi.
— Byŭ vialiki skandał. Na Buzoŭskaha, jaki byŭ u toj čas pieršym sakratarom BRSM, ministr adukacyi Alaksandr Radźkoŭ kryčaŭ: «Sam ty durybary!» A z kiraŭnictvam Minskaha haradskoha kamiteta BRSM raźbiraŭsia namieśnik staršyni Minharvykankama Michaił Ciciankoŭ. Ale napiaredadni vybaraŭ zvalniać nikoha nie stali.
A voś paśla vybaraŭ, raskazaŭ surazmoŭca, kadravyja źmieny ŭ BRSM byli vialikija. Za publikacyju rolika z durybarami straciła svaju pasadu pieršaja sakratarka Minskaha harkama BRSM Alena Chadyka. U tym ža 2010 hodzie žančyna paśpieła prasłavicca da «durybaraŭ» — jana pryviała beerseemaŭcaŭ pikietavać redakcyju «Narodnaj Voli». Adnak hety fakt nie vyratavaŭ jaje ŭ vyniku ad vyhnańnia z BRSM. Chadyku panizili i adpravili na pasadu načalnicy adździeła ideałahičnaj pracy administracyi Savieckaha rajona Minska.
Zdajecca, ź ciaham času žančyna zmahła viarnuć stračany davier. Jaje zrabili namieśnicaj hałoŭnaha redaktara haziety «7 dniej», heta prajekt BiełTA.
Ciapier Alena Chadyka — načalnica adździeła raźvićcia vydavieckaha doma «Biełaruś siehodnia».
«Chaču pačuć ad jaje try hałoŭnyja słovy». Jak prapahanda sprabuje rekłamavać vybary — kryndžovyja VIDEA
Jak vyhladajuć debaty na BT: manałohi kandydataŭ, a paśla dźvie chviliny abmierkavańnia Kurapataŭ
Pamiatajecie aktyvistaŭ BRSM, jakija nakinulisia na Ordu padčas pikieta za Łukašenku ŭ 2020-m? Voś dzie jany ciapier
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary