Hramadstva8686

Łukašenka zajaviŭ, što budzie ŭdzielničać u prezidenckich vybarach 2025 hoda

Alaksandr Łukašenka zajaviŭ, što budzie ŭdzielničać u prezidenckich vybarach u nastupnym hodzie. «I čym aktyŭniej jany buduć budaražyć hramadstva, tym vierahodniej, što pajdu». 

 Alaksandr Łukašenka na pytańnie ab prezidenckich vybarach u Biełarusi, jakija pavinny adbycca ŭ 2025 hodzie, adkazaŭ: «Pieradajcie im, što pajdu!»

«Čym składaniej budzie abstanoŭka, čym aktyŭniej jany [apazicyja] buduć budaražyć hramadstva, vas u tym liku (dla mianie, paviercie, heta vielmi važna — ni adzin čałaviek, adkazny prezident, nie kinie svaich ludziej, jakija za im išli ŭ boj), — źviarnuŭsia jon da praŭładnych žurnalistaŭ na ŭčastku, — čym bolš jany buduć napružvać mianie, vas i hramadstva, tym chutčej ja pajdu na vybary».

Łukašenka daŭ svajo tłumačeńnie, čamu mała chto ŭ Biełarusi ciapier zachoča bałatavacca na prezidenckich vybarach: «Ludzi pačynajuć razumieć: prezident u Biełarusi — heta vielmi ciažkaja praca! I nie kožny na heta vyrašycca».

Łukašenka ŭdakładniŭ, što napieradzie jašče hod da prezidenckich vybaraŭ, tamu «mnohaje moža źmianicca».

«Naturalna, ja i ŭsie my, hramadstva budziem reahavać na toje, jakija źmieny buduć adbyvacca ŭ našym hramadstvie i ŭ jakoj situacyi my padydziem praz hod da hałasavańnia», — skazaŭ jon. 

Pavodle jaho słoŭ, ciapier jon dumaje pra inšaje: jak hodna pravieści Hod jakaści. «Kab navat kali ciapierašni prezident nie pojdzie na vybary, vy zapomnili. A apošniaje zapaminajecca. Tamu hety hod budzie vielmi aktyŭnym, i ja na heta nastrojvaju hramadstva i ŭsiu viertykal ułady, jakaja sumlenna i dobrasumlenna pracavała i budzie pracavać da vybaraŭ», — skazaŭ jon.

Adkazvajučy na pytańnie žurnalistaŭ, Łukašenka acaniŭ pierśpiektyvy apazicyi źmianić uładu ŭ Biełarusi.

«Usio roŭna — udoŭhuju jany buduć hulać ci ŭ karotkuju — meta adna: treba Biełaruś razharnuć u zvarotnym kirunku. A kab jaje razharnuć, treba zrynuć dziejnuju ŭładu. Heta budzie vielmi składana, ja ŭpeŭnieny. Asabliva paśla praviadzieńnia adzinaha dnia hałasavańnia, vybaraŭ. Tamu što abiarem my absalutna nadziejnych, tałkovych ludziej, jakija razumiejuć, jakija zadačy stajać pierad našym narodam. Tamu ni adzin z varyjantaŭ, navat samyja radykalny, u ich nie projdzie ŭ Biełarusi», — miarkuje jon.

Pavodle jaho, režym razam z Rasijaj razhladaje roznyja scenary raźvićcia padziej. 

«My zaŭsiody budziem adzinyja z Rasijaj. U takoj situacyi my supraćstajać možam lubomu supierniku. Tamu što ciapierašni śviet — heta siła, razumiejuć tolki siłu. Kali my, prabačcie mianie, sopli raspuścim i budziem zmahacca za demakratyju i niejkuju efiemiernuju svabodu — vy ŭbačyli, jakaja ŭ ich «demakratyja», — skazaŭ jon. 

Łukašenka taksama zajaviŭ, što nidzie ŭ śviecie niama takich «adkrytych i sumlennych» vybaraŭ, jak u Biełarusi.

Kamientary86

  • Politika
    25.02.2024
    Koniečno pojdiet, vybora niet: tut ili vynosiť s dołžnosti nohami vpieried, ili hdie-nibud́ nachodiťsia v podviešiennom sostojanii - druhoho nie dano.
  • Tekla
    25.02.2024
    Spadziajusia, što "dojdzieš" narešcie...
  • hbłn
    25.02.2024
    Da łana! Vot tak povorot! Ty žieš hovorił, čto vłasti najełso? Očieriednoj rab na halerach, štole?

Ciapier čytajuć

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam16

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam

Usie naviny →
Usie naviny

Što ŭjaŭlaje saboj baza danych, jakuju siłaviki nazyvajuć «uzłomam «Novaj Biełarusi»11

«U žyćci kožnaha byvaje apatyja». Kaciarynu Kaznadziej znajšli9

Dziŭnuju haračuju plamu na poli zaŭvažyli pad Brestam4

Benksi prezientavaŭ novuju pracu, ale nie skazaŭ, dzie znachodzicca1

Siońnia pačynajecca sud nad Ninaj Bahinskaj7

Kab źniać prapahandyscki klip, prydvorny kampazitar Alejnik vyciahnuŭ litaralna z-pad kropielnicy 86-hadovuju babulu11

U DTZ u Voranaŭskim rajonie zahinuła adnahadovaje dzicia

Słavakija viartaje ŭ Biełaruś pasła11

Raspracavany pieršy za 50 hadoŭ antybijotyk suprać śmiarotnaj supierbakteryi

bolš čytanych navin
bolš łajkanych navin

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam16

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam

Hałoŭnaje
Usie naviny →

Zaŭvaha:

 

 

 

 

Zakryć Paviedamić