Zialenski pra pravał kontrnastupu: płany Ukrainy byli na stale ŭ Kramli jašče da pačatku
Uzbrojenyja siły Ukrainy ŭžo majuć novy płan kontrnastupleńnia. Adnak pra jaho buduć viedać tolki niekalki čałaviek u dziaržavie. Pra heta prezident Ukrainy zajaviŭ padčas pres-kanfierencyi.
U Zialenskaha spytali, ci budzie Ukraina rabić jašče adno kontrnastupleńnie i jak jon budzie dziejničać.
«Hałoŭnaje — mieć płan. I hety płan jość. Ja nie zmahu vam skazać detali hetaha płana. Ja rastłumaču vam: čym mienš ludziej viedajuć płany ŭkrainskaha vojska, tym chutčejšaj budzie pieramoha i niečakany vynik dla rasijan», — raskazaŭ Zialenski.
U toj ža čas jon zajaviŭ, što płan kontrnastupleńnia Ukrainy ŭ 2023 hodzie, na žal, byŭ viadomy rasijanam jašče da jaho pačatku. «Skažu ščyra, našy kontrnastupalnyja dziejańni ŭ minułym hodzie byli na stale Kramla jašče da taho, jak pačalisia kontrnastupalnyja dziejańni. Kropka», — skazaŭ Zialenski.
Uletku 2023 hoda ŭkrainskija vajskoŭcy pačali kontrnastupleńnie na poŭdni i ŭschodzie Ukrainy. USU ŭdałosia vyzvalić bolš za dziasiatak nasielenych punktaŭ u Zaparožskaj i Danieckaj abłaściach. Ale hałoŭnaj mety — prasoŭvańnia da Azoŭskaha mora — nie ŭdałosia dasiahnuć.
Ciapier čytajuć
Pasoł u Vatykanie Ambrazievič kułuarna sustrakajecca ź jeŭrapiejskimi dypłamatami, kab prarvać izalacyju Minska ŭ Jeŭropie4
Pasoł u Vatykanie Ambrazievič kułuarna sustrakajecca ź jeŭrapiejskimi dypłamatami, kab prarvać izalacyju Minska ŭ Jeŭropie
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary