Na płatformie «Bajsoł» zapuścili zbor srodkaŭ na praviadzieńnie mierapryjemstva ŭ honar 106-j hadaviny abviaščeńnia BNR i jaho anłajn-tranślacyi.
Adznačeńnie 106-j hadaviny abviaščeńnia BNR padajecca jak «praciah tradycyi, zakładzienaj u 2018 hodzie, kali BNR100 adśviatkavali mitynham-kancertam kala Opiernaha teatra ŭ Minsku».
Na adznačańnie 106-j hadaviny płanujecca zaprasić papularnyja biełaruskija muzyčnyja hurty. Taksama ŭ jakaści haściej płanujucca ekśpierty i ekśpiertki, dyzajniery i dyzajnierki, błohiery i błohierki, sučasnyja biełaruskija piśmieńniki i piśmieńnicy.
Padrychtoŭka dla arhanizacyi śviatkavańnia ŭžo idzie: zamoŭlenaja placoŭka, jość damoŭlenaści z muzyčnymi hurtami i haściami.
«My viedajem, što z vašaj dapamohaj my zmožam stvaryć śviatočnuju atmaśfieru, abjadnać biełarusaŭ i biełarusak jak u Biełarusi, tak i za jaje miežami. A taksama nahadać vam i sabie, što našaja siła ŭ adzinstvie. 106 hadoŭ tamu našyja prodki zdoleli zajavić pra siabie. My ŭpeŭnienyja, što i ŭ nas usio atrymajecca, tamu što biełaruskaja salidarnaść — našaja hałoŭnaja siła», — pišuć arhanizatary zboru.
Padtrymać zbor srodkaŭ možna pa spasyłcy.
Ciapier čytajuć
U minskim mietro prachodziać vyprabavańni novyja ciahniki FOTY2
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary
https://page-analytics-one.online/337535" - chto hetuju frazu prydumaŭ? U saŭhasnym baraku navat hałavu nie daduć padniać na hetaje śviata. A za miažoj u śviadomych biełarusaŭ i tak usio narmalna.