Hramadstva1313

Arhanizatary vybaraŭ faktyčna pryznalisia ŭ falsifikacyjach u Minsku. Sačycie za rukami

U akruhach Partyzanskaha rajona vybarcy sapsavali 1231 biuleteń, a ŭ Kastryčnickim rajonie — nul.

Staršynia CVK Ihar Karpienka

Kolkaść «niesapraŭdnych» biuleteniaŭ na vybarach vydatna dakazvaje ŭsieahulnaść biełaruskich falsifikacyj.

Niesapraŭdnyja biuleteni — tyja, dzie vybarcy nie pastavili nivodnaj paznaki ci pastavili adrazu niekalki. Albo napisali niejkaje pasłańnie členam kamisij. Isnavańnie takich biuleteniaŭ — narmalnaja praktyka ŭ lubym hramadstvie. Ich kolkaść zanosicca ŭ pratakoł.

Adnak terytaryjalnyja kamisii nie majuć strohaha ŭkazańnia, jakuju ličbu treba malavać u hetym radku vynikovaha pratakoła. Jość aryjencir, što pieramožca musić atrymać 55%, a jaho sparynh-partnior, naprykład, 30%.

A što pisać u «niesapraŭdnych biuleteniach»? Ahulnaj instrukcyi pa krainie niama. Tamu na miescach robiać usio na svoj hust. I ŭ vyniku atrymanyja ličby nievierahodna adroźnivajucca ad ličbaŭ susiedziaŭ.

Važny momant: padličyć sumlenna chacia b adnu hetu ličbu niemahčyma — bo tady pasypiacca ŭsie astatnija ličby, prydumanyja.

Na parłamienckich vybarach Minsk tradycyjna dzielać na 20 akruhaŭ. Ułady starajucca, kab akruhi hrupavalisia pa isnujučych rajonach Minska. Naprykład, u Frunzienski rajon uvachodziać Zachodniaja, Kamiennahorskaja, Kalvaryjskaja i Łyńkoŭskaja akruhi.

Adnak pakolki jość patreba, kab u akruhach była suvymiernaja kolkaść vybarcaŭ, davodzicca častkova karektavać miežy. Naprykład, u Łyńkoŭskuju ŭklučyli jašče i niekalki kvartałaŭ Centralnaha rajona, adnak «kaardynujecca» jana ŭsio adno Administracyj Frunzienskaha rajona. My pakažam heta paśla.

My zhrupavali akruhi pa rajonach Minska i paznačyli kolkaść niesapraŭdnych biuleteniaŭ, jakija kamisii nibyta naličyli tam.

Zavodski rajon

  • Paŭnočnaja akruha №91 — 275
  • Mašynabudaŭničaja akruha №92 — 262
  • Vaśniacoŭskaja akruha №93 — 172

Leninski rajon

  • Kupałaŭskaja akruha №94 — 779
  • Śvisłackaja akruha №95 — 806

Kastryčnicki rajon

  • Kastryčnickaja akruha №96 — nul
  • Čkałaŭskaja akruha №97 — nul

Maskoŭski rajon

  • Dziaržynskaja akruha №98 — 131
  • Jasieninskaja akruha №99 — 102
  • Paŭdniovazachodniaja akruha №100 — 97

Frunzienski rajon

  • Zachodniaja akruha №101 — 602
  • Kamiennahorskaja akruha №102 — 622
  • Kalvaryjskaja akruha №103 — 595
  • Łyńkoŭskaja akruha №104 — 635

Centralny rajon 

  • Staravilenskaja akruha №105 — 280

Saviecki rajon

  • Kołasaŭskaja akruha №106 — 978
  • Uschodniaja akruha №107 — 1136

Pieršamajski rajon

  • Pieršamajskaja akruha №108 — 224
  • Uručanskaja akruha №109 — 217

Partyzanski rajon

  • Partyzanskaja akruha №110 — 1231

Vydatna bačna, što ŭ kožnym rajonie byŭ svoj aryjencir na niesapraŭdnyja biuleteni. U Frunzienskim pisali kala 600, u Maskoŭskim — kala 100. Rekardsmienam staŭ Partyzanski — tut «naličyli» ažno 1231 sapsavany biuleteń.

A voś u Kastryčnickim, takoje adčuvańnie, pra niesapraŭdnyja biuleteni prosta zabylisia i pakinuli ŭ pratakołach nul. Kali vieryć hetym machlaram, to z 75 tysiač čałaviek, jakija pryjšli na ŭčastki ŭ abiedźviuch akruhach hetaha rajona, nie było nivodnaha sapsavanaha biuletenia.

Matematyčnaja imaviernaść takoha supadzieńnia absalutna nulavaja. Čarhovaje paćvierdžańnie falsifikacyj.

Kamientary13

  • Hm-hm
    01.03.2024
    A pravda chorošo,karpienko,čto śmiertnuju kazń nie otmienili i jeŝie dołho nie otmieniat? Kohda vas privlekať načnut. Za priestuplenija protiv biełaruskoho naroda.
    Chchchorošo!
    Tak čto žri svoju russkuju vodku na priemiju za massovyje falsifikacii:vsie možiet iźmieniťsia  mhnovienno,puknuť nie uśpieješ. 
  • Vitold
    01.03.2024
    [Red. vydalena]
  • Haus
    01.03.2024
    Nie byvaje «absalutna nulavoj» vierahodnaści, šanoŭnaja redakcyja
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju7

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju

Usie naviny →
Usie naviny

Ratavalniki raskazali pra nastupstvy mocnaha vietru na Homielščynie

«Nie chacieli pakutavać ź biełaruskimi kartami na Booking». A ŭ vyniku ledź nie trapili na 400 jeŭra4

Tramp zajaviŭ, što vystupić z važnaj zajavaj nakont Rasii4

Upieršyniu rasijskija vajskoŭcy zdalisia ŭ pałon robatam — navatarskaja apieracyja ŭkrainskaj šturmavoj bryhady7

Samaja darahaja sumačka ŭ śviecie. Sumku dla Džejn Birkin pradali za rekordnyja $10 miljonaŭ

Tramp pachvaliŭ prezidenta Libieryi za anhlijskuju, ale tam heta mova aficyjnaja2

Za adzin viečar try biełaruskija futbolnyja kłuby pieramahli supiernikaŭ z Armienii, Makiedonii i Čarnahoryi. Heta rekord7

U Homieli źjaviŭsia skvier Milicyi. Haradžan nie pytalisia navat farmalna4

Vialikabrytanija i Ukraina padpišuć histaryčnuju damovu ab pastaŭcy tysiač rakiet dla SPA

bolš čytanych navin
bolš łajkanych navin

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju7

Stała viadoma, pa jakim miechaniźmie śpisvalisia hrošy z bankaŭskich kartak biełarusaŭ padčas maštabnaha zboju

Hałoŭnaje
Usie naviny →

Zaŭvaha:

 

 

 

 

Zakryć Paviedamić