«Piać traplańniaŭ vypadkova nie byvajuć». Ukrainskaja raźviedka raskazała detali źniščeńnia rasijskaha karvieta «Siarhiej Kotaŭ»
Va ŭkrainskaj raźviedcy zajavili, što siarod ekipažu karabla, jaki patapili ŭ Krymie, jość zahinułyja maraki.
«Bliskučaja apieracyja — i «Siarhiej Kotaŭ» hetym razam užo sapraŭdy źniščany. Palavali na jaho nie ŭpieršyniu, i ŭžo byli paśpiachovyja ataki, ale jon zmoh adnavicca paśla praviadzieńnia ramontnych rabot», — raspavioŭ pradstaŭnik Hałoŭnaj upravy raźviedki Minabarony Ukrainy Andrej Jusaŭ u efiry Radyjo Svaboda.
Pa słovach Jusava, heta była nie vypadkovaja ataka, a daŭhačasnaja apieracyja: «umoŭna piać pramych traplańniaŭ [marskimi dronami] vypadkova nie zdarajucca».
Jak daviedałasia raźviedka, u Rasii byli płany na sudny prajekta 22160, da jakoha naležyć «Siarhiej Kotaŭ». U pryvatnaści, rasiejcy płanavali raźmiaścić zienitna-rakietnyja kompleksy na karabli, užo takija sproby byli.
U dačynieńni da ekipaža situacyja vyśviatlajecca. Jość zahinułyja i paranienyja, śćviardžaje Jusaŭ. Imavierna, častka ekipažu była evakujavanaja. Viadoma pra bolš za 10 karet «chutkaj», jakija vyklikali na najbližejšym učastku sušy, dadali ŭ HUR.
«Siarhiej Kotaŭ» razam z krejsieram «Maskva» ŭdzielničaŭ u napadzie na vostraŭ Źmiainy ŭ lutym 2022 hoda.
Ukraincy ŭdaryli ŭ Čornym mory pa rasijskim patrulnym katary «Siarhiej Kotaŭ»
Ukraina za čatyry miesiacy źniščyła 20% rasijskaha Čarnamorskaha fłotu — ministr abarony Vialikabrytanii
74 zahinuli, 27 paranienych. Źjavilisia novyja źviestki pra kolkaść zahinułych u vyniku ataki na karabiel «Novačarkask»
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary