Tramp upeŭniena pieramoh na prajmieryz u 14 štatach u «supieraŭtorak», Chejli moža źniacca z vybaraŭ
Tramp nabraŭ ahułam, z ulikam papiarednich prajmieryz, 1004 hałasy delehataŭ, a Chejli — 89 pry nieabchodnych 1215 dla naminacyi na vybary ad svajoj partyi. Pry tym, što pałova prajmieryz jašče napieradzie.
Eks-prezident ZŠA Donald Tramp lidziruje na prezidenckich prajmieryz adrazu ŭ 12 štatach, paviedamlaje Associated Press.
«Supieraŭtorak», jaki sioleta vypaŭ na 5 sakavika, — najvažniejšy dzień unutrypartyjnych vybaraŭ, padčas jakich prychilniki Respublikanskaj i Demakratyčnaj partyi hałasujuć za pretendentaŭ, jakich chočuć vyłučyć u kandydaty na pasadu prezidenta ZŠA.
Prajmieryz i kokusy respublikancaŭ prajšli ŭ 15 štatach: Akłachomie, Ałabamie, Alascy, Arkanzasie, Viermoncie, Virhinii, Kałarada, Kalifornii, Masačusietsie, Miniesocie, Mejnie, Paŭnočnaj Karalinie, Tenesi, Techasie, Jucie. Razyhryvałasia ahułam 865 hałasoŭ delehataŭ — abo kala traciny ad ich ahulnaj kolkaści, 2429 (kab atrymać u lipieni naminacyju na vybary ad Respublikanskaj partyi, treba atrymać 1215 hałasoŭ).
Pa stanie na 21:30 pa Minsku ŭ Trampa 1004 hałasy budučych delehataŭ (z ulikam papiarednich prajmieryz, a siońnia jon atrymlivaje ŭžo 731 hołas), u Chejli — 89 (siońnia — 46), i jana vychodzić z baraćby.
U Kalifornii, jakaja vałodaje samaj vialikaj kolkaściu delehataŭ (169), Tramp papiarednie nabiraje zvyš 70% hałasoŭ, u inšym klučavym štacie, Techasie (162) — kala 78% hałasoŭ. Jaho adzinaja sapiernica — były pastajanny pradstaŭnik ZŠA pry AAN Nikki Chiejli — atrymała pieramohu ŭ Viermoncie.
19 sakavika prajmieryz projduć u piaci štatach (349 hałasoŭ), u tym liku ŭ Fłarydzie, jakaja daje 125 hałasoŭ, 2 krasavika taksama ŭ piaci inšych štatach (195 hałasoŭ) uklučna z štatam i horadam Ńju-Jork (91 hołas).
Apošnija prajmieryz u respublikancaŭ adbuducca 4 červienia ŭ čatyroch štatach (91 hołas).
Adzinym supiernikam Donalda Trampa jość kolišni pradstaŭnik ZŠA pry AAN Niki Chejli. Pierad «supieraŭtorkam» u Trampa było 273 hałasy delehataŭ. U Chejli było amal u šeść razoŭ mienš — 43 hałasy.
Naminantam ad Demakratyčnaj partyi, chutčej za ŭsio, budzie Džo Bajden, jaki budzie bałatavacca na druhi termin. Jon atrymaŭ pieramohu na prajmieryz demakrataŭ va ŭsich 14 štatach, dzie prajšło hałasavańnie ŭ «supieraŭtorak».
Bajden u siarednim, pavodle papiarednich danych, nabraŭ 70-90% hałasoŭ u kožnym sa štataŭ, pakazaŭšy samy vysoki vynik u štacie Mejn. Adziny apanient Bajdena, člen Pałaty pradstaŭnikoŭ Dzin Filips, nabraŭ u kožnym sa štataŭ nie bolš za 10% hałasoŭ.
Pazaŭčora Viarchoŭny sud aficyjna dazvoliŭ Trampu bałatavacca i zabaraniŭ štatam vykreślivać jaho imia ź biuleteniaŭ.
Kali Tramp vyjhraje ŭ listapadzie prezidenckija vybary, jon stanie druhim u historyi ZŠA prezidentam, jaki zajmaŭ pasadu dvojčy ź pierapynkam na čatyry hady. U kancy XIX stahodździa takim byŭ Hrovier Kliŭlend (1885—1889, 1893—1897).
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»39
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały33
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały3
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary
Ukraincam pratrymacca by da listapada. Tam pryjdzie vialiki zbaŭca, skončvaciel vajny za 24 hadziny.