U Słavakii zahinuła biełaruska, jana ratavałasia ad miadźviedzia
Niaščasny vypadak adbyŭsia 15 sakavika ŭ Nizkich Tatrach. 29-hadovy mužčyna i 31-hadovaja žančyna ź Biełarusi sutyknulisia ź miadźviedziem u Demienaŭskaj dalinie i pasprabavali schavacca ad jaho. U vyniku žančyna zahinuła, piša Reform.by.
Jak paviedamlaje hornavyratavalnaja słužba sa spasyłkaj na vidavočcu, miadźviedź pieraśledavaŭ žančynu.
Ratavalniki z rehijanalnaha pažarna-vyratavalnaha centra Nizkich Tatraŭ z sabakam, dva supracoŭniki Centra praduchileńnia łavin z dronami i ź ciepłavizaram, a taksama supracoŭniki słavackaj palicyi i člen hrupy reahavańnia na buraha miadźviedzia vyjechali na miesca.
Praź niekatory čas słužbovy sabaka znajšoŭ miesca pad skalnym paroham, dzie znachodziłasia cieła žančyny, jakaja sarvałasia z vyšyni. Miadźviedź u hety čas znachodziŭsia niepadalok. Z dapamohaj słužbovaha sabaki, krykaŭ i papieradžalnaha strełu jaho adahnali.
Paśla druhaja hrupa ratavalnikaŭ vyjaviła spadarožnika žančyny. Jon byŭ napałochany, ale nie paciarpieŭ. U supravadžeńni paramiedykaŭ pažarna-vyratavalnaj słužby dastavili jaho ŭ słužbovy aŭtamabil pažarna-vyratavalnaj słužby i pieravieźli ŭ dom pažarna-vyratavalnaj słužby.
Cieła žančyny pieradali palicyi. Abstaviny i pryčynu śmierci vyśvietlić dalejšaje rasśledavańnie.
«Jaje zvali Liza». U Varšavie prajšoŭ Marš u pamiać ab zhvałtavanaj i zabitaj biełaruscy REPARTAŽ
U Biarezinskim zapaviedniku pračynajucca miadźviedzi. Ale rabotniki zazirnuć u adnu ź biarłoh nie navažylisia
«Kolkaść miadźviedziaŭ hałapuje ŭ našaj krainie». Šunievič prapanavaŭ šlachi vyrašeńnia prablemy
Ci časta miadźviedzi ŭ Biełarusi napadajuć na ludziej?
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8
Kamientary