Źjavilisia dokazy taho, što na vybarach u Rasii pierapisvalisia pratakoły — jak hałasy Davankova pierakidvali Pucinu
Klučavoje adroźnieńnie ŭ praviadzieńni vybaraŭ u Biełarusi i Rasii ŭ tym, što ŭ Rasii vyniki hałasavańnia pa kožnym učastku vystaŭlajucca ŭ internet u aŭtamatyzavanaj sistemie «Vybary». U biełarusaŭ ža takoj mahčymaści niama, Centrvybarkam admaŭlajecca davać takuju infarmacyju.
Tamu paśla vybaraŭ rasijskija aktyvisty stali paraŭnoŭvać ličby ŭ pratakołach, jakija vyviešvalisia na ŭčastkach, z tym, što było zahružana ŭ sistemu «Vybary».
Naprykład, voś što było ŭ Nižaharodskaj vobłaści Rasii, piša «Astra».
Na ŭčastku №2545 Pucinu prysvoili amal 500 hałasoŭ za košt pahašanych biuleteniaŭ. Pavodle pieršasnaha pratakoła ŭ Pucina było 498 hałasoŭ, a na sajcie CVK akazałasia 1078.
Na ŭčastku №2544 u kandydata Davankova było 68, a stała ŭsiaho 8. Pry hetym vyzvalenyja 60 hałasoŭ pajšli Pucinu. U jaho było było 906, a stała 966.
Na ŭčastku №2553 u Davankova było 74, a stała 0. A voś u Pucina było 576, a stała 650.
Padobnyja situacyja fiksavalisia i ŭ inšych rehijonach.
U Sankt-Pieciarburhu na ŭčastku №22 Davankovu naličyli 156 hałasoŭ. A na sajcie CVK u jaho akazałasia tolki 56, astatnija 100 hałasoŭ pierakinuli Pucinu.
Na ŭčastku №35 u Davankova zastałosia tolki 18 hałasoŭ zamiest 118. Astatnija prypisali Słuckamu.
Rasijskija aktyvisty spampavali z sajta ich CVK źviestki pra hałasavańnie na 98% učastkaŭ. Papiaredni analiz pakazvaje, što kolkaść anamalnych hałasoŭ za Pucina składaje 22 miljony. Heta biuleteni, jakija nie ŭkładvajucca ŭ matematyčnuju madel realistyčnaha raźmierkavańnia hałasoŭ.
Čytajcie taksama:
Što aznačajuć 87% Pucina dla rasijskaj apazicyi, śvietu i pierśpiektyŭ Biełarusi
CVK Rasii zajaviŭ pra rekordnuju jaŭku
Pucina vinšujuć ź pieramohaj na vybarach kiraŭniki «siabroŭskich krain»
CVK: Pucin pieramahaje na vybarach z rekordnymi 87,33%. A ŭ Čačni ŭ jaho naohuł 99%
Ciapier čytajuć
Pramova hetaha minskaha vypusknika na liniejcy ŭ 2020-m uzarvała internet. Što z chłopcam ciapier?1
Kamientary
Pra 22 młn. i mietad Kiślinha-Špilkina možna i trochi padrabiaźniej. Choć i nie naša historyja, ale hramadzianam karysna razumieć, jak falsifikujuć vybary i jak matematyčna heta vyjaŭlajuć.