Michaił Padalak adkinuŭ patrabavańni Vašynhtona spynić ataki Ukrainy pa naftavaj infrastruktury Rasii
«Nichto nie budzie paśla dvuch hadoŭ poŭnamaštabnaj vajny dyktavać Ukrainie ŭmovy viadzieńnia hetaj vajny».
Michaił Padalak abvierhnuŭ patrabavańni Vašynhtona spynić ataki Ukrainy pa naftavaj infrastruktury Rasii. Pra heta zajaviŭ daradca kiraŭnika Ofisa prezidenta Ukrainy ŭ efiry Doždia.
«Heta fiktyŭnaja infarmacyja. Nichto nie budzie paśla dvuch hadoŭ poŭnamaštabnaj vajny dyktavać Ukrainie ŭmovy viadzieńnia hetaj vajny. U ramkach mižnarodnaha prava Ukraina moža «abiastłuščvać» rasijskija instrumienty viadzieńnia vajny. Paliva źjaŭlajecca bazavaj pryładaj viadzieńnia vajny. Ukraina budzie razburać paliŭnuju infrastrukturu».
Padalak padkreśliŭ, što Rasija nanosić udary pa krytyčnaj infrastruktury Ukrainy z «hienacydnymi» namierami, tady jak Ukraina źniščaje infrastrukturu vajny.
Raniej Financial Times sa spasyłkaj na krynicy raspaviała ab tym, što Vašynhton prosić Ukrainu spynić ataki rasijskich NPZ, kab nie vyraśli suśvietnyja ceny na naftu, a taksama kab nie spravakavać miery ŭ adkaz Maskvy.
Padalak taksama paćvierdziŭ, što Ukraina akazvaje dapamohu padraździaleńniam «Ruskaha dobraachvotnickaha korpusa» (RDK) i «Lehijona «Svaboda Rasii» na biełharadskim i kurskim napramkach.
«Nam važna viarnuć vajnu na terytoryju krainy-ahresara. My bačym, što robić siońnia Rasija z hramadzianskim nasielnictvam u pryfrantavoj zonie: vykarystoŭvaje kiravanyja ciažkija avijabomby ŭ hihanckaj kolkaści, całkam ściraje ź ziamli harady i vioski ŭ Sumskaj i Charkaŭskaj abłaściach. Kab heta spynić, treba adsunuć ad linii frontu rasijskija bazy».
Padalak taksama padkreśliŭ, što ŭdary pa Biełharadskaj i Kurskaj abłaściach słužać padryvu łahistyčnych mahčymaściej vojskaŭ RF.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary