Łatuška ličyć «realistyčnym scenaram» tankavy ŭdar Biełarusi pa Litvie
Palityk pryhadaŭ słovy namieśnika dziaržaŭnaha sakratara Rady biaśpieki Biełarusi Paŭła Muraviejki pra toje, što Biełarusi nibyta «maje takoje prava».
Tankavy ŭdar biełaruskaha vojska pa Litvie z metaj «prasiekčy akno da Kalininhrada» — heta realistyčny scenaryj, takoje mierkavańnie vykazaŭ 28 sakavika ŭ efiry 6TV namieśnik kiraŭnicy Abjadnanaha pierachodnaha kabinieta, kiraŭnik Narodnaha antykryzisnaha ŭpraŭleńnia (NAU) Pavieł Łatuška, piša «Pozirk».
Palityk pryhadaŭ słovy namieśnika dziaržaŭnaha sakratara Rady biaśpieki Biełarusi Paŭła Muraviejki pra toje, što Biełarusi nibyta «maje takoje prava».
«Taksama my viedajem, što taktyčnaja jadziernaja zbroja znachodzicca na terytoryi Biełarusi. U tym liku «Iskandery» <…>. I voś za hetaj tankavaj dyvizijaj na terytoryju Litvy zachodziać «Iskandery», jakija razhortvajuć, jak parason, abaronu suchaputnych vojskaŭ. U NATO ŭźnikaje pytańnie — atakavać hetyja siły z vykarystańniem kanviencyjnaj zbroi, značyć atakavać stalicu Litvy», — skazaŭ jon.
Łatuška adznačyŭ, što «nie chacieŭ by pierabolšvać situacyju», adnak na hety kont majecca peŭnaja infarmacyja.
«Našy krynicy kažuć, što niekalki miesiacaŭ tamu prajšli vučeńni, jakija pravodziła kiraŭnictva sakrataryjata Rady biaśpieki Biełarusi i RF z udziełam kiraŭnictva hienieralnych štaboŭ, mienavita dla prapracoŭki hetaha scenaru», — patłumačyŭ kiraŭnik NAU.
«Heta byŭ naŭmysny źliŭ <…>, takaja infarmacyja pačała pastupać niekalki tydniaŭ tamu. Ci źjaŭlajecca hety scenaryj realnym? Tak. Ci źjaŭlajecca jon realnym siońnia? Dumaju, što nie. Ci mahčymy jon zaŭtra? Dumaju, što tak», — dadaŭ Łatuška.
Raniej pra imaviernaść udaru pa Vilni zajaviŭ Valer Sachaščyk.
Ułady Rasii i Biełarusi rychtujuć vykarystańnie jadziernaj zbroi i «blickryh na Vilniu» — Sachaščyk
«U Biełarusi ramantujuć masty da Litvy, jakija nie vykarystoŭvajucca ŭ haspadarčych metach». Sachaščyk patłumačyŭ svaje ałarmisckija zajavy
Adkul Sachaščyk čerpaje insajdy pra jadziernuju vajnu? Jany supadajuć z dopisami kanśpirałahičnaha telehram-kanała
Łukašenka adkazaŭ Sachaščyku: Poŭnaja duraść
Pucin nazvaŭ «tryźnieńniem» imaviernaść vajny Rasii z NATA
Ciapier čytajuć
«Pra sustreču Łuku zaŭsiody prasili pieradać Pucinu». Šuster raskazaŭ, jak Łukašenka prapanoŭvaŭ svaje pasłuhi amierykancam9
Kamientary
Jaho siabry dajuć insajdy ad łukašenki, a jon im ad Cichanoŭskaj.