Śviet11

Mark Rute: Miaža Bałtyi z Rasijaj i Biełaruśsiu zjaŭlajecca našaj kalektyŭnaj miažoj

Najmienšy krok Uładzimira Pucina na terytoryju krain NATA budzie mieć žudasnyja nastupstvy dla Rasii, zajaviŭ u intervju LRT TV premjer Niderłandaŭ Mark Rute, jaki ličycca favarytam na pasadu hienieralnaha sakratara aljansu.

Premjer-ministr Niderłandaŭ Mark Rute padčas pres-kanfierencyi ŭ Vilni, 2 krasavika 2024 h. Fota: AP Photo / Mindaugas Kulbis

Premjer-ministar Niderłandaŭ pryznaŭ, što pahroza, jakaja zychodzić ad Rasii, była asabliva adčuvalnaja dla jaho krainy paśla krušeńnia małazijskaha samalota nad uschodniaj Ukrainaj u 2014 hodzie. 

«Fizična my našmat dalej ad Rasii, čym vy. Ale my adčuvajem i dumajem, što naša miaža tut», — kaža palityk. 

Jaho spytali, što treba zrabić NATA, kab być hatovym da mahčymaj vajny z Rasijaj, pra jakuju papiaredžvajuć ŭsio bolš jeŭrapiejskich raźviedvalnych słužbaŭ. 

«NATA pavinna zachoŭvać strymlivańnie, my ŭsie pavinny razumieć, što miaža Bałtyi i inšych krain uschodniaha fłanhu z Rasijaj i Biełaruśsiu zjaŭlajecca našaj kalektyŭnaj miažoj. Dazvolcie mnie zapeŭnić vas, paśla krušeńnia Małazijski samalota MH17 u 2014 hodzie, kali zahinuli 298 čałaviek, u tym liku 96 hramadzian Niderłandaŭ, dla nas, Niderłandaŭ, miaža aznačaje miažu z Rasijaj.

Takim čynam, my pavinny zrabić usio, što ŭ našych siłach, kab zachavać strymlivańnie i prymusić Pucina ŭśviadomić, što, kali jon zrobić choć najmienšy krok da terytoryi ES i NATA, jaho čakajuć vialikija ciažkaści», — skazaŭ jon. 

Na pytańnie, što kankretna aznačaje strymlivańnie, Rute adkazaŭ: 

«Pa-pieršaje, my ŭsie pavinny vyłučyć nie mienš za 2%. VUP dla abarony, a taksama dla ŭmacavańnia abarony ŭschodniaha fłanhu. My abmierkavali pieradavuju prysutnaść NATA ŭ Litvie, my viedajem, što Hiermanija abaviazvajecca naroščvać svaje mahčymaści ŭ krainie, my supracoŭničajem ź niemcami, kab vyrašyć, jak lepš dziejničać u budučyni. 

Taksama važnaja misija pa achovie pavietranaj prastory, supraćpavietranaja abarona, dastatkovaja kolkaść sistem Patriot taksama važnyja. Ukraina, naprykład, amal nie maje mahčymaściaŭ dla supraćpavietranaj abarony vakoł Charkava. Hetyja pytańni nam treba budzie vyrašać kalektyŭna ŭ bližejšyja miesiacy», — dadaŭ jon. 

Akramia taho, jon raskazaŭ, što pabyvaŭ u Kitai, dzie byŭ zasiarodžany na Ukrainie. 

«Ja padkreśliŭ, što nie razumieju, čamu Kitaj nie prykładaje bolš namahańniaŭ dla papiaredžańnia abychodu sankcyj, ekspartu tavaraŭ padvojnaha pryznačeńnia ŭ Rasiju, čamu jon nie akazvaje maksimalnaha cisku na Rasiju, kab źmianić pavodziny ŭ adnosinach da Ukrainy. Tamu što, kali Kitaj choča być našym siabram, a jon kaža, što choča tryvałych stasunkaŭ z Zachadam, jon pavinien razumieć, što dla Litvy, Niderłandaŭ, usich nas u ES i NATA pośpiech Rasii va Ukrainie stanie pahrozaj našaj kalektyŭnaj biaśpiecy», — skazaŭ Rute.

Kamientary1

  • pahraničnik
    04.04.2024
    Čałaviek skazaŭ pra kalaktyŭnuju miažu : sijuminutna skazaŭ pra sijuminutnuju miažu, jakaja parvała histaryčnuju prastoru Vialikaha Kniastva Litoŭskaha. 
    Adkul jamu viedać pra Alanderniu pad Lubčaj, dzie ad hałanskich karoŭ małako daili i syr rabili? Pra Pucina, pra Rasiju čałaviek dumaje...

Ciapier čytajuć

U Biełarusi krytyčna padaje naradžalnaść. A jak u susiednich krainach?11

U Biełarusi krytyčna padaje naradžalnaść. A jak u susiednich krainach?

Usie naviny →
Usie naviny

Naściu Rybku prymusili vybačacca za rolik u instahramie. Padpisčyc razzłavała jaje videa z Pucinym12

«Pažyvi ŭ maim domie»: Usik zaprasiŭ Trampa va Ukrainu na tydzień3

U Ałmaty zasnavalnik «biaśpiečnaj ŁHBT-prastory» zhvałciŭ svajho padnačalenaha, pakul toj spaŭ8

Orban: Ruskija razumiejuć tolki movu siły, ale Rasija — nie pahroza dla NATA, bo nie moža spravicca navat z Ukrainaj7

Vyhuł sabak staŭ formaj pratestu ŭ Iranie3

Minhandlu znajšło aŭtara pravakacyjnych upakovak «Sasi žuj» u kramach11

«Kala 70% — biełarusy». Jak Playtika skaraciła varšaŭski ofis za adziny dzień1

Ziebra, jakaja ŭciakła ad haspadara, paśla tydnia na voli stała zorkaj internetu

U Hrodnie z-za mocnych daždžoŭ zatapiła kvatery na dzieviaci pavierchach

bolš čytanych navin
bolš łajkanych navin

U Biełarusi krytyčna padaje naradžalnaść. A jak u susiednich krainach?11

U Biełarusi krytyčna padaje naradžalnaść. A jak u susiednich krainach?

Hałoŭnaje
Usie naviny →

Zaŭvaha:

 

 

 

 

Zakryć Paviedamić