Usiaho patrochu1919

Pasoł Kruty nazvaŭ «spłanavanaj pravakacyjaj» źjaŭleńnie Ahurbaš na Pieršym kanale. Jon napisaŭ list Ernstu

Biełaruski pasoł u Rasii Dźmitryj Kruty vykazaŭ abureńnie hiendyrektaru «Pieršaha kanała« Kanstancinu Ernstu z-za zjaŭleńnia ŭ efiry śpiavački Anžaliki Ahurbaš. Śpiavačka była pakazana ŭ siužecie ab dziciačym muzyčnym konkursie «Załataja nota» 2 krasavika — u dzień stvareńnia tak zvanaj Sajuznaj dziaržavy.

Anžalika Ahurbaš na «Pieršym kanale». Skryn videa

 U liście na imia Ernsta, jaki trapiŭ u rasparadžeńnie «Soty», biełaruski ambasadar Dźmitryj Kruty aceńvaje zjaŭleńnie Ahurbaš u efiry «ŭ Dzień jadnańnia narodaŭ Biełarusi i Rasii jak spłanavanuju pravakacyju, nakiravanuju na padryŭ adzinstva narodaŭ, namahańniaŭ našych lidaraŭ pa zabieśpiačeńni biaśpieki Sajuznaj dziaržavy, sumiesnaha procidziejańnia reabilitacyi nacyzmu i pierapisvańniu historyi».

«Infarmujem, što A. Ahurbaš sa žniŭnia 2020 h. raźmiaščała ŭ sietcy internet źviestki, nakiravanyja na ŭzbudžeńnie sacyjalnaj varožaści i varožaści ŭ dačynieńni da supracoŭnikaŭ pravaachoŭnych orhanaŭ, dziaržaŭnych słužačych, pradstaŭnikoŭ ułady, a taksama abrazy prezidenta Respubliki Biełaruś», — piša Kruty.

Pa słovach Krutoha, Ahurbaš prymała aktyŭny ŭdzieł u niesankcyjanavanych mitynhach i pikietach kala pasolstva Biełarusi ŭ Maskvie, «padčas jakich aktyŭna vykarystoŭvałasia simvolika biełaruskich kałabaracyjanistaŭ, jakija supracoŭničali z nacystami padčas Vialikaj Ajčynnaj vajny», — tak nazyvaje Kruty nacyjanalnuju simvoliku.

Biełaruski pasoł abiacaje dać «Pieršamu kanału» kantakty «patryjatyčna nastrojenych» biełaruskich śpievakoŭ zamiest Ahurbaš.

U Biełarusi suprać Ahurbaš zaviedzienaja kryminalnaja sprava, u 2021 hodzie hienprakuratura biespaśpiachova patrabavała ad Rasii vydačy Ahurbaš.

U lutym pasoł Biełarusi ŭ Maskvie Dźmitryj Kruty anansavaŭ stvareńnie abjadnanaha rejestra terarystaŭ i ekstremistaŭ dla Rasii i Biełarusi.

Kamientary19

  • Vłasovskij trikołor
    04.04.2024
    Biełaruski pasoł u Rasii Dźmitryj Kruty ŭ siabie ŭ kabiniecie maje ŭłasaŭski trykałor? Ci ŭ jaho saviecki ściah visić?
  • Pasoł ty
    04.04.2024
    Kruty, ty pra ŭłasaŭski ściah zabyŭ napisać
  • anatam
    04.04.2024
    [Red. vydalena]

Ciapier čytajuć

Śpiavačku Meryjem Hierasimienka na praciahu dvuch hadoŭ źbivaŭ muž40

Śpiavačku Meryjem Hierasimienka na praciahu dvuch hadoŭ źbivaŭ muž

Usie naviny →
Usie naviny

«Kava stanie raskošaj». Biełarusy šakavanyja cenami ŭ kramach16

«Apantanaści hieapalitykaj, jak u Rasii, u nas siońnia niama». Historyk parazvažaŭ, ci pieražyvuć biełarusy «russkij mir»16

Rubia patłumačyŭ zajavu Trampa pra zbroju dla Ukrainy za košt NATA

«Horad pracoŭnaj słavy 1941—1945». U Baranavičach adkryli manumient ź dziŭnaj nazvaj9

U Biełarusi i Rasii raspracujuć štučny intelekt z tradycyjnymi kaštoŭnaściami4

Asudzili za «sadziejańnie ekstremizmu» byłoha dyrektara škoły

Vučonyja znajšli ahromnistaje radovišča zołata, jakoje źmiaščaje 99,999% usiaho zołata płaniety8

U Polščy adbyłosia DTZ z aŭtobusam, poŭnym biełarusaŭ3

Makron zajaviŭ pra hatoŭnaść adpravić va Ukrainu 50 tysiač vajskoŭcaŭ6

bolš čytanych navin
bolš łajkanych navin

Śpiavačku Meryjem Hierasimienka na praciahu dvuch hadoŭ źbivaŭ muž40

Śpiavačku Meryjem Hierasimienka na praciahu dvuch hadoŭ źbivaŭ muž

Hałoŭnaje
Usie naviny →

Zaŭvaha:

 

 

 

 

Zakryć Paviedamić