U niamieckaj ziamli Ciurynhija ŭ aŭtamabili ź Biełarusi pry praviercy vyjaviłasia vialikaja suma hrošaj, pra jakuju zamaŭčali mužčyny, jakija jechali ŭ im. Sam vypadak adbyŭsia jašče 13 sakavika, ale pres-reliz pa hetym fakcie apublikavali tolki dniami, piša «Biełaruś i śviet».
Mytniki z Erfurta spynili dla kantrolu aŭtamabil 40-hadovaha mužčyny na aŭtabanie A9 u rajonie zapraŭki «Frankienvald».
Kali kiroŭcu i jaho 39-hadovaha dy 67-hadovaha pasažyraŭ zapytalisia, ci viazuć jany jakija-niebudź hrašovyja srodki, tyja raskazali, što ŭ ich z saboj ahułam jość kala 42 tysiač jeŭra. Pryčym atrymałasia patłumačyć pachodžańnie i pryznačeńnie tolki častki hrošaj.
Pry nastupnym dahladzie transpartnaha srodku i bahažu byli vyjaŭlenyja jašče 227 tysiač jeŭra, schavanyja ŭ zaplečniku i ŭ niekalkich połaściach mašyny. U dačynieńni da traich mužčyn raspačataja sprava pa padazreńni ŭ admyvańni hrošaj. Najaŭnyja kanfiskavali jak rečavy dokaz. Viadziecca rasśledavańnie.
Jak tłumačycca ŭ pres-relizie, zhodna z zakanadaŭstvam, lubaja asoba, jakaja zajazdžaje abo vyjazdžaje z Hiermanii ź dziaržavy — člena Jeŭrasajuza z najaŭnymi hrašyma i ekvivalentnymi apłatnymi srodkami ahulnym koštam 10 tysiač jeŭra abo bolš, pavinna vusna paviedamić pra hetuju sumu pry apytańni padčas mytnych pravierak.
Pry ŭjeździe ŭ Hiermaniju z treciaj krainy najaŭnyja pavinny być zadekłaravanyja zahadzia piśmova, a ekvivalentnyja płaciežnyja srodki — vusna pry mytnym apytańni. Asoba abaviazanaja dakazać pachodžańnie i pryznačeńnie hrošaj. Luby, chto budzie nie ŭ stanie heta zrabić, pry peŭnych umovach moža panieści pakarańnie.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary