Rasija kuplaje ŭ Kitaja hieadanyja dla naniasieńnia rakietnych udaraŭ pa Ukrainie — Bloomberg
Akramia headanych, Kitaj pastaŭlaje Rasii mikraelektroniku, stanki dla vytvorčaści tankaŭ, optyku i rakietnaje paliva.
Jak piša Bloomberg, ZŠA papiaredžvajuć svaich sajuźnikaŭ, što Kitaj uzmacniaje padtrymku Rasii, u tym liku šlacham nadańnia joj źviestak hieaprastoravaj raźviedki (spadarožnikavych zdymkaŭ) dla vajennych metaŭ.
Pa słovach krynic, znajomych ź situacyjaj, padtrymka Kitaja taksama ŭklučaje ŭ siabie pastaŭki mikraelektroniki, stankoŭ dla vytvorčaści tankaŭ, optyku i paliva dla rakiet. Akramia hetaha, Maskva i Piekin damovilisia pra «pašyreńnie kaśmičnaha supracoŭnictva».
Vydańnie nahadała, što na minułym tydni prezident ZŠA Džo Bajden vykazaŭ zaniepakojenaść lidaru Kitaja Si Czińpinu padčas ich telefonnaj razmovy adnosna padtrymki Kitajem rasijskaj abaronna-pramysłovaj bazy. Pra heta raskazvała pres-sakratarka Rady nacyjanalnaj biaśpieki Biełaha doma Adryjen Uotsan (Adrienne Watson).
Jak piša Bloomberg, u 2023 hodzie tavaraabarot pamiž dźviuma krainami dasiahnuŭ rekordnych 240 miljardaŭ dołaraŭ. Paśla sychodu zachodnich vytvorcaŭ i šmatlikich raŭndaŭ sankcyj Kitaj staŭ pastaŭščykom u Rasiju ŭsiaho: ad adzieńnia da abstalavańnia i aŭtamabilaŭ. U toj ža čas Rasija pavialičyła ekspart u Kitaj takich tavaraŭ, jak vuhal i nafta.
Vydańnie źviartaje ŭvahu, što Kitaj i Hankonh taksama stali dla Maskvy klučavymi varotami dla dostupu da technałohij abmiežavanaha dostupu, u tym liku čypaŭ i intehralnych schiem, jakija vykarystoŭvajucca ŭ zbroi abo nieabchodnyja dla jaje stvareńnia.
ZŠA i ES unieśli ŭ sankcyjnyja śpisy niekalki kitajskich firmaŭ, jakija zajmalisia hetymi pastaŭkami, ale handal nie demanstruje prykmietaŭ spadu. U minułym hodzie administracyja Bajdena taksama nakłała sankcyi na kitajskuju kampaniju za pieradaču spadarožnikavych zdymkaŭ rasijskaj firmie, jakaja, u svaju čarhu, pieradavała ich PVK «Vahnier».
Jak śćviardžajuć ananimnyja krynicy, znajomyja ź situacyjaj, padtrymka Rasii z boku Kitaja ŭ apošnija miesiacy ŭzmacniłasia. Tryvožnuju infarmacyju pra jaje maštaby i značeńni jeŭrapiejskim sajuźnikam na minułym tydni paviedamiŭ dziaržsakratar ZŠA Entani Blinkien.
Blinkien paprasiŭ sajuźnikaŭ padniać hetuju temu niepasredna ŭ znosinach z Kitajem i pryniać miery suprać kitajskich jurydyčnych asob i kampanij.
Pa słovach krynic Bloomberg, ZŠA i ich sajuźniki buduć sprabavać danieści svaju zaniepakojenaść da Piekina i aktyvizavać namahańni pa spynieńni padtrymki Kitajem rasijskaj abaronnaj pramysłovaści.
Ministr finansaŭ ZŠA Džaniet Jelen (Janet Yellen) 6 krasavika na sustrečy ź vice-premjeram Dziaržaŭnaj rady KNR Che Lifenam papiaredziła pra «značnyja nastupstvy» dla kitajskaha biznesu ŭ vypadku, kali budzie vyjaŭlena, što kampanii krainy akazvajuć materyjalnuju padtrymku Rasii ŭ vajnie suprać Ukrainy abo jaje vajenna-pramysłovaj bazy.
Čytajcie jašče:
Kitaj pabudavaŭ dziela čahości ŭ pustyni kopiju ŭradavaha rajona stalicy Tajvania
Kitaj abvinavacili ŭ maštabnym uzłomie, «jaki zakranuŭ miljony ludziej». Što viadoma?
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii5
Kamientary
Nad Bajdenam śmiajejeca ŭvieś śviet, praź jaho niedarečnaść i biezvolle.
Mabyć jon stanie samym horšym prezidentam u historyi ZŠA.