U Minsku ŭ ramkach prajekta «Zrobim razam», jaki abjadnaŭ biełaruskich vytvorcaŭ praduktaŭ i błohieraŭ, pradstavili vielizarnuju kaŭbasu: jaje vaha skłała 15 kiłahramaŭ, a dyjamietr — 15 santymietraŭ, paviedamili «Minsk-Naviny».
Prademanstravać schilnaści da hihantamanii vyrašyli na Homielskim miasakambinacie. Pa słovach jaho pradstaŭnikoŭ, u składzie praduktu, jaki nazyvajecca «Barbadas pa-homielsku», śvinina i jałavičyna. Pradavać takimi porcyjami jaho, praŭda, nie źbirajucca — uzor byŭ vypuščany śpiecyjalna dla mierapryjemstva.
«Kab pryhatavać vyrab takoha pamieru, my zamovili śpiecyjalnuju abałonku, jakuju napoŭnili na našaj vytvorčaści z dapamohaj špryca, zvaryli, a paśla pravendzili. Usie technałahičnyja pracesy byli vykananyja», — adznačyli na miasakambinacie.
Heta nie adziny pradstaŭleny na hetym mierapryjemstvie pradukt niezvyčajnaj vieličyni. U tym ža Homieli, na pradpryjemstvie «ORS Homiel», śpiakli vialiki baton vahoj kala 3 kiło i daŭžynioj krychu bolš za mietr.
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie3
Kamientary