U Viciebsku ŭ kvaterach i na abjektach sacyjalnaha pryznačeńnia ŭklučać aciapleńnie. Heta źviazana z padzieńniem siaredniasutačnaj tempieratury źniešniaha pavietra nižej za + 8℃, paviedamlaje abłasnaja hazieta «Vitiebskije viesti».
U Viciebsku pačali adklučać aciapleńnie ŭ pačatku krasavika. U cełym u Biełarusi na pradpryjemstvach i ŭ arhanizacyjach jaho pierastali padavać 2-3 krasavika. A pieršym abłasnym horadam, dzie heta zrabili ŭ kvaterach, staŭ Hrodna. Heta adbyłosia z 8 krasavika.
U Biełarusi rašeńnie ab zaviaršeńni aciaplalnaha siezona prymaje miascovaja ŭłada. U balnicach, sadkach i škołach heta, jak praviła, robiać pry siaredniasutačnaj tempieratury vonkavaha pavietra +10℃ na praciahu troch sutak. Dla kvater tempieratura źniešniaha pavietra nie pavinna pieravyšać + 8℃.
Na hetym tydni ŭ Biełaruś pryjšło pachaładańnie. Sinoptyki prahnazujuć daždžy i navat mokry śnieh.
Kamientary