U Mahilovie sa stralboj adkryli atrad śpiecnaza ŭnutranych vojskaŭ — užo 12-y pa liku
U Mahilovie adkryli novaje padraździaleńnie śpiecnaza ŭnutranych vojskaŭ «Hrom». Heta ŭžo 12-y padobny atrad, stvorany za apošni čas u struktury MUS.
U honar adkryćcia siłaviki praviali pakazalnyja vystupleńni sa stralboj i vybuchami, jakija byli čutnyja pa ŭsim horadzie.
Kamandzir atrada Viktar Smolič raskazaŭ, što padraździaleńnie budzie dapamahać milicyi pry zatrymańniach, a taksama zmahacca z dyviersijna-raźviedvalnymi hrupami, niezakonnymi ŭzbrojenymi farmavańniami ŭ asablivych umovach, paviedamlaje BiełTA.
Atrad atrymaje ciažkoje ŭzbrajeńnie, drony i braniatechniku, u tym liku pikapy, kvadracykły, katary i bałotachody.
Paviedamlajecca, što śpiecnazaŭcaŭ rychtavali instruktary z bajavym dośviedam. Dysłakavacca «Hrom» budzie ŭ Mahilovie i Babrujsku.
Anałahičnyja śpiecpadraździaleńni raniej źjavilisia ŭ Minskaj, Bresckaj, Hrodzienskaj i Homielskaj abłaściach, a taksama na AES u Astraŭcy.
Kamientary