U Jeŭrasajuzie vyjavili bujnuju sietku nielehalnaj pierapraŭki mihrantaŭ ź Biełarusi i Rasii
U Jeŭrasajuzie praviali maštabnuju apieracyju pa vyjaŭleńni sietki, jakaja zajmałasia pieravozkaj mihrantaŭ ź Biełarusi i Rasii ŭ ES. Pra heta piša Reform.news na padstavie paviedamleńnia pres-słužby Jeŭrapoła.
U apieracyi ŭdzielničali śpiecsłužby Estonii, Finlandyi, Hiermanii, Łatvii, Litvy, Niderłandaŭ, Polščy i Šviecyi. Usiaho jeŭrapiejskija pravaachoŭniki aryštavali 21 čałavieka. Jeŭrapoł piša, što ŭ asnoŭnym heta hramadzianie Jehipta, Iraka i Siryi.
Usiaho pieratrusy praviali pa 24 adrasach.
«Kanfiskavanyja transpartnyja srodki, załatyja ŭpryhožańni, elektronnaje abstalavańnie, padroblenyja dakumienty, mašynki dla padliku hrošaj, narkotyki, kantrafaktnyja cyharety i 80 tysiač jeŭra najaŭnymi», — paviedamlaje Jeŭrapoł.
Sietka pierapraŭlała mihrantaŭ ź Iraka i Siryi ŭ ES praz Rasiju i Biełaruś, — tak zvany paŭnočna-bałtyjski maršrut. Kancavymi punktami maršrutaŭ byli Hiermanija i Vialikabrytanija.
Padazravanyja vykarystoŭvali lehkavyja aŭtamabili, furhony, pikapy i inšyja transpartnyja srodki, pryznačanyja dla pieravozki hruzaŭ. Ujezd u Jeŭrasajuz kaštavaŭ 3000-5000 jeŭra za čałavieka.
Vialikabrytanija budzie departavać usich nielehalnych mihrantaŭ u ekvataryjalnuju Afryku
U Polščy za vychadnyja zafiksavali 669 sprobaŭ praryvu ź Biełarusi mihrantaŭ
Bolš za 600 mihrantaŭ sprabavali nielehalna pierasiekčy biełaruska-polskuju miažu
«Dziasiatkami vykidvajuć trupy cieraź miažu». Pra što Łukašenka siońnia raskazvaŭ Pucinu
Ciapier čytajuć
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ1
Kamientary