Chłopiec pradaŭ padarunak, ale nie čakaŭ, što heta ŭspłyvie. Tyktok abmiarkoŭvaje dramu z dyvanom

Pačałasia hetaja historyja dva hady tamu — dziaŭčyna zamoviła ŭ majsterni dyvan u vyhladzie mulciašnaha piersanaža Ściča. Heta byŭ padarunak dla jaje siabra na dzień naradžeńnia. Zakazčyca zastałasia zadavolenaja pracaj i paśla śviata dasłała radasny vodhuk: «Imianińnik byŭ u zachapleńni, nie čakaŭ takoha aryhinalnaha padarunka, a jaho kalekcyja papoŭniłasia takim unikalnym vyrabam».

A potym u majsterniu dasłali spasyłku na internet-barachołku, dzie hety samy dyvan pierapradavali za 130 rubloŭ (dla pieršapačatkovaj zakazčycy hetaja praca kaštavała ŭ razy daražej).

Majstar vyrašyŭ źviazacca z chłopcam, jaki pradavaŭ dyvan.

— Ja ŭziaŭ na sustreču svaju žonku, kab pierastrachavacca, kali pradaŭcom akažacca naša zakazčyca. Ale pradaŭcom akazaŭsia čałaviek, jakomu naša zakazčyca daryła dyvan.

@tim.rugs

‼️ V koncie śliškom mnoho Ekšiena thk:Tim_rugs

♬ orihinalnyj zvuk - Kovry Tim.rugs

Toj chłopiec raspavioŭ, što pieršapačatkova chacieŭ uvohule vykinuć padarunak, ale potym vyrašyŭ, što lepš choć niešta zarabić i vystaviŭ dyvan na prodaž.

— Mianie cikaviła tolki adno pytańnie: čym jamu nie dahadziŭ dyvan i čamu da jaho takoje staŭleńnie. Jak akazałasia, dziaŭčyna pryjšła na dzień naradžeńnia z čałaviekam, jaki byŭ vielmi niepryjemny imianińniku. Ale z pavahi da dziaŭčyny jon pryniaŭ padarunak.

Majstar vykupiŭ svaju pracu, a praz paŭhoda vyrašyŭ raspavieści pra hetuju historyju ŭ tyktoku. Toje videa nabrała 12,4 miljona prahladaŭ. I znajšoŭsia chłopiec, jaki pryznaŭsia, što ŭ jaho vielmi abmiežavany biudžet, alo jon choča zrabić kruty padarunak svajoj dziaŭčynie.

Pierad tym, jak pierapradać jamu reč, majstru pryjšłosia pieraklejvać zadniuju častku dyvana, tamu što pieršaja pakupnica ŭsiu jaje raśpisała pažadańniami siabru. Takim čynam, majstar dvojčy zarabiŭ na adnym i tym ža dyvanie.

Možna było b skazać, što heta happy end, ale ž nie. Hety rolik u tyktoku pabačyła i taja dziaŭčyna, jakaja jaho pieršapačatkova zamaŭlała. Kaniešnie, jana była niepryjemna ŭražana losam svajho padarunka i pajšła vyśviatlać adnosiny ź siabram.

Za čatyry dni rolik pra pryhody dyvana nabraŭ bolš za 725 tysiač prahladaŭ. Ale ŭ kamientaryjach šmat chto aburyŭsia pavodzinami majstra: «Mnie zdajecca, kožny sam vyrašaje, što rabić z padarunkam, nu vyrašyŭ pradać i vyrašyŭ. Ja razumieju, heta vaša praca, ale adsočvać los dyvana tak sabie». Niechta navat nazvaŭ takija pavodziny stałkinham, bo naŭrad ci imianińnik chacieŭ, kab pra jaho składanyja adnosiny z kimści daviedalisia miljony ludziej u tyktoku.

Na całkam spraviadlivaje pytańnie: «Jakaja vam roźnica, što robiać z dyvanom, kali jon užo apłačany?» — majstar adkazaŭ: «Zahuhlicie brend «Birkin», jany naohuł nie pradajuć svaje sumki kamu zaŭhodna, navat kali ŭ čałavieka jość hrošy».

• 6
• 0
• 9
• 34
• 3
• 5
• 6
• 0