U zamiežnym handli ŭ pieršym kvartale skłałasia admoŭnaje salda
U studzieni — sakaviku 2024 hoda zamiežny handlovy abarot tavaraŭ i pasłuh Biełarusi vyras da $23,4 młrd. Takija źviestki pryvodzić Nacyjanalny bank.
Ekspart tavaraŭ i pasłuh źniziŭsia ŭ paraŭnańni z I kvartałam 2023-ha z $11,652 młrd da $11, 639 młrd.
U toj ža čas impart dadaŭ z $11,466 młrd da $11, 735 młrd. u vyniku salda akazałasia admoŭnym — $96,1 młn. Za taki ž pieryjad minułaha hoda jano było stanoŭčym — $186 młn.
U cełym źniešniehandlovy abarot vyras na 1,1% da studzienia — sakavika 2023-ha. Pa tavarach jon dadaŭ 1,17% — z $19,633 młrd da $19,976 młrd., a pa pasłuhach źniziŭsia na 2,5% — z $3,484 młrd da $3,398 młrd.
Pry hetym pa tavarach salda skłałasia admoŭnaje ŭ pamiery $798,3 młn, a pa pasłuhach jano stanoŭčaje — $702,2 młn.
Pa vynikach studzienia-lutaha Nacbank paviedamlaŭ ab stanoŭčym salda ŭ pamiery $23,1 młn.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»7
Kamientary