U aŭtorak, 14 maja, u Kijeŭ prybyŭ dziaržaŭny sakratar ZŠA Entani Blinkien. Heta pieršy vizit top-čynoŭnika ZŠA va Ukrainu paśla pryniaćcia pakieta vajskovaj dapamohi na $61 miljard i čaćvierty paśla poŭnamaštabnaha ŭvarvańnia Rasii, piša «Ukrainskaja praŭda».
«Siońnia ja viarnuŭsia ŭ Kijeŭ, kab prademanstravać našu niepachisnuju padtrymku Ukrainy, jakaja abaraniaje svaju svabodu ad rasijskaj ahresii», — abviaściŭ Blinkien u sacyjalnaj sietcy X.
Nieanansavany vizit maje na mecie prademanstravać salidarnaść ZŠA z Ukrainaj, jakaja sprabuje adbić rasijskija ataki na svajoj paŭnočna-ŭschodniaj miažy.
Blinkien prybyŭ u Kijeŭ ciahnikom ranicaj. Jon spadziajecca «pasłać mahutny sihnał ukraincam, jakija, vidavočna, znachodziacca ŭ vielmi ciažkaj chvilinie», skazaŭ ahienctvu Reuters.com adzin z amierykanskich čynoŭnikaŭ na ŭmovach ananimnaści.
«Misija ministra zaklučajecca ŭ tym, kab pahavaryć pra toje, jak naša dadatkovaja dapamoha budzie ažyćciaŭlacca takim čynam, kab dapamahčy ŭmacavać ich abaronu i dać im mahčymaść usio bolš adbirać inicyjatyvu na pole boju», — skazaŭ čynoŭnik.
Padčas znachodžańnia ŭ Kijevie Blinkien sustreniecca z premjer-ministram Ukrainy Dzianisam Šmyhalem, a paźniej — z prezidentam Uładzimiram Zialenskim.
Viartańnie inicyjatyvy na poli boju moža akazacca niedasiažnaj. Paśla taho, jak na minułym tydni rasijskija vojski prarvali abaronu pad Charkavam, zachapiŭšy niekalki viosak i adkryŭšy novy front na trecim hodzie vajny, Ukraina była vymušanaja nakiravać padmacavańnie ŭ rehijon.
-
U Litvie pierachapili partyju kantrabandnych cyharet, jakija skinuli ŭ śnieh ź ciahnika
-
Navalnaha atrucili ŭ kałonii rečyvam epibatydzin — jad ekvadorskaj žaby. Heta zmahli vyjavić, dziakujučy bijamateryjałam, vyviezienym siamjoju
-
Zielenski: Va Ukrainie paśla rasijskich udaraŭ nie zastałosia nivodnaj całkam acalełaj elektrastancyi
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?10
Kamientary