Back in 1990-ja. Zatrymali bandu, jakaja rabavała fury na stajankach uzdoŭž trasaŭ pa ŭsioj krainie
Banda ździajśniała złačynstvy nočču, vykarystoŭvajučy bałakłavy i radyjostancyi.
Padazravanych u kradziažach ź vielikahruzaŭ na stajankach uzdoŭž trasy Brest-Homiel zatrymali ŭ Biełarusi, paviedamlaje pres-słužba MUS.
Heta byli piaciora žycharoŭ Oršy va ŭzroście ad 34 da 51 hoda. Jany dziejničali ŭ Bresckaj, Mahiloŭskaj, Minskaj i Homielskaj abłaściach.
Pakul kiroŭca spaŭ u kabinie fury, złačyncy ŭzłomvali zamok hruzavoha adsieka, zahružali svoj mikraaŭtobus kradzienym tavaram i źjazdžali ź miesca złačynstva.
Pavodle źviestak MUS, ich metami byli aŭtamabili ź biełaruskimi numarami, ź jakich vykradali rozny hruz — ad techniki da praduktaŭ charčavańnia, a taksama źlivali paliva z bakaŭ. Skradzienaje albo pradavali na terytoryi Rasii, albo vykarystoŭvali ŭ asabistych metach paśla dzialby.
Śledstvam raspačataja kryminalnaja sprava pa faktach kradziažoŭ u bujnym pamiery, ciapier viadoma ab šaści epizodach złačynnaj dziejnaści ŭdzielnikaŭ hrupy.
Načalnik milicyi Brahina stralaŭ u svaju žonku. Jana cudam vyžyła9
Kamientary