U Breście hramadzianina Ukrainy asudzili na 6 hadoŭ kałonii za «ahienturnuju dziejnaść»
Na minułym tydni Brescki abłasny sud vynies vyrak 25-hadovamu Arciomu Makavieju. Małady čałaviek, jaki z 2009 hoda žyŭ u Biełarusi, atrymaŭ 6 hod pazbaŭleńnia voli.
U čym mienavita jaho abvinavačvali — nieviadoma (sud prachodziŭ u zakrytym režymie). Viadomy tolki artykuł, pa jakim sudzili Makavieja: art.358-1 KK RB «Ahienturnaja dziejnaść». Spravu razhladaŭ sudździa Mikałaj Siańko, piša «Bresckaja viasna».
Makavieja zatrymali ŭ studzieni 2023 hoda ŭ jaho doma ŭ Kobrynie. Zatrymańnie pravodzili supracoŭniki KDB.
Spačatku Makaviej siadzieŭ 2 miesiacy ŭ IČU Bresta, ale nijakich dopytaŭ nie prachodziła, i chłopiec nie razumieŭ za što ŭvohule zatrymany. Praz 1 hod i 3 miesiacy paśla zatrymańnia sprava dajšła da suda. Uvieś hety čas mužčyna znachodziŭsia pad vartaj.
Da zatrymańnia Makaviej pracavaŭ dydžejem u Breście, Kobrynie, Minsku.
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary