Mierkavańni3131

Čały sprahnazavaŭ, što budzie ŭ krainie, kali Łukašenki nie stanie, i da čaho rychtavacca biełarusam

«My budziem nazirać pierajhrańnie padziej chałodnaha leta 1953-ha».

Siarhiej Čały. Skryn videa: chaly_live / YouTube

U novym vypusku tok-šou «Noč z Čałym» viadomy ekanamist adkazaŭ na pytańnie, jak buduć raźvivacca padziei ŭ Biełarusi paśla taho, jak nie stanie Łukašenki.

«My budziem nazirać pierajhrańnie padziej chałodnaha leta 1953 hoda. U tym liku tamu, što łukašyzm — heta poźni stalinizm»,

— ličyć Čały. 

«Dynamika razvału i pieraŭtvareńnia sistemy prykładna budzie padobnaja. Budzie ŭmoŭny raskoł pamiž umoŭnym Bieryjaj (siłavikami) i ŭmoŭnym Chruščovym-Malankovym (hramadzianskimi). I ŭsia zadača budzie zaklučacca ŭ tym, chto kaho pieramoža, chto kaho chutčej aryštuje jak zdradnika, voraha ci jašče kaho».

@nashaniva Što budzie, kali pamre Łukašenka? Prahnoz Čałaha #łukašienko #aleksandrłukašienko #piensioniery #sierhiejčałyj #našaniva #biełaruskajamova #biełaruś ♬ Minimal for news / news suspense(1169746) - Hiraoka Kotaro

Analityk razvažaje, što nie ŭ našych intaresach pieramoha ŭmoŭnaj partyi siłavikoŭ. Heta budzie aznačać, što hradus nasilla vyraście — navat u paraŭnańni ź ciapierašnim uzroŭniem.

«A hramadzianskaja hrupoŭka chutčej za ŭsio budzie vymušana va ŭnutranym supraćstajańni źviartacca da enierhii ludziej, vulicy.

Heta jakraz toj momant, u jakim ad nas budzie vielmi šmat što zaležyć. Heta nie budzie taja revalucyja, jakuju my čakajem, a transfarmacyja ŭłady, jakaja skončycca tak, jak i paśla Stalina — projdzie ŭmoŭny XX źjezd partyi, dzie ŭsio drennaje budzie patłumačana tolki Łukašenkam. «Heta byŭ kult asoby». I navat tyja, chto ŭ hetym braŭ udzieł, skažuć: my mučylisia, ciarpieli i hetak dalej».

Čały zaŭvažaje, što apisany im scenar, mahčyma, nie toje, čaho my ŭsie čakajem. Ale ŭ lubym vypadku heta budzie ruch u lepšy bok.

«Ja amal upeŭnieny, što hołas vialikaj kolkaści arhanizavanych hramadzian Biełarusi, nie zaviazanych niejkim čynam na struktury kiravańnia, budzie važnym. I heta budzie toj momant, kali metanakiravanaje ŭździejańnie, navat nievialikaje, budzie mieć vialikaje značeńnie dla vyznačeńnia histaryčnaha šlachu krainy dalej», —

havoryć Čały i raić biełarusam być hatovymi da masavaha, arhanizavanaha dziejańnia tady, kali ad nas budzie šmat što zaležać.

Kamientary31

  • 1
    27.05.2024
    sssr u 1953-m byŭ samastojnaj dziaržavaj, a RB zaraz - maryjanietka rf. Tamu ŭ nas budzie nie chałodnaje leta 1953, a chałodnaja viasna 2004-ha (pa analohii z zabojstvam achmata kadyrava).
  • 666
    27.05.2024
    było by mnie let 20-25 svalił by iz etoho cirka...ibo "kłouny" nikuda otsiuda nie dienutsia.... 
  • Pytańniečka
    27.05.2024
    Chto jamu hranty daje na heta?

Ciapier čytajuć

Ihar Tur patraciŭ minimum 30 tysiač na premijalnuju kuchniu FOTA27

Ihar Tur patraciŭ minimum 30 tysiač na premijalnuju kuchniu FOTA

Usie naviny →
Usie naviny

Makron zajaviŭ pra hatoŭnaść adpravić va Ukrainu 50 tysiač vajskoŭcaŭ5

U Navahrudku padpisali damovu ab stvareńni Biełaruskaha muzieja Chałakostu4

Zastreleny ŭ Kijevie pałkoŭnik SBU kiravaŭ hrupaj, jakaja likvidavała «Matarołu»1

Kanapackaja jedzie ŭ Litvu na aŭtobusie padavać zajavu ŭ Departamient dziaržbiaśpieki FOTAFAKT66

Pamierła Iryna Jaskievič

«A mianie mienš za ŭsio turbuje, ci zahavoryć Siarhiej Cichanoŭski pa-biełarusku»211

Biełarusy dzielacca videazapisami pralotaŭ rasijskich bieśpiłotnikaŭ10

U Babrujskim rajonie adšukali dva dvuchsothadovyja duby-vołaty1

U niebie nad Kijevam upieršyniu z 2022 hoda źjaviŭsia cyvilny transpartny samalot1

bolš čytanych navin
bolš łajkanych navin

Ihar Tur patraciŭ minimum 30 tysiač na premijalnuju kuchniu FOTA27

Ihar Tur patraciŭ minimum 30 tysiač na premijalnuju kuchniu FOTA

Hałoŭnaje
Usie naviny →

Zaŭvaha:

 

 

 

 

Zakryć Paviedamić