Zvolnili načalnicu miedčaści kałonii Babrujska — jaje abvinavačvaŭ błohier Jermašuk
«U mianie na toj momant užo była ankałohija, i jany mahli na rańniaj stadyi heta znajści».
Čutki pra toje, što načalnica miedycynskaj čaści babrujskaj kałonii №2 zvolnienaja z pasady, chadzili jašče ŭ pačatku hetaha hoda. Ciapier ich paćvierdziŭ źniavoleny, jaki niadaŭna vyjšaŭ na svabodu.
«Z zony vyjšaŭ čałaviek, ź jakim ja pierasiakaŭsia tam, i paćvierdziŭ infarmacyju pra Łaskaŭniovu, — padzialiŭsia z «Našaj Nivaj» błohier Vadzim Jermašuk.
Čytajcie taksama:«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»
«Jak jon mnie skazaŭ, na zvalnieńnie Łaskaŭniovaj u tym liku paŭpłyvali maje intervju dla ŚMI, dzie ja raskazvaŭ pra žorstkaje abychodžańnie ź ludźmi ŭ «nizkim statusie», a taksama pra abyjakavaść miedykaŭ. Jašče ŭ 2021-m, da zatrymańnia, ja pajšoŭ pakazać svaje radzimki ankołaham — pavinien byŭ vydalić ich, abśledavać, ale mianie pasadzili. Na zonie mnie stała vielmi drenna, i ja prasiŭ Łaskaŭniovu pravieryć maju radzimku. Usio, što ja čuŭ u adkaz: «Ty nie ŭ sanatoryi, ty nie ŭ dziciačym łahiery, ty viedaŭ, na što idzieš i kudy». Ja davodziŭ joj, što jana ž doktar i davała klatvu Hipakrata, ale Łaskaŭniova mnie tady adkazała, što jana najpierš aficer, a potym užo miedyk».
Čytajcie taksama: «My dla ich — miasa». Palitviazień vyjšaŭ ź miełanomaj, jon uskładaje vinu na načalnicu sančaści i prymusovaje haleńnie hałavy
U zmahańnie za Vadzima, pakul jon byŭ za kratami, uklučyłasia jaho siamja, pačała aktyŭna pisać listy z prośbaj pravieryć jaho zdaroŭje — na adras načalstva kałonii i ŭ prakuraturu.
«Ale jany adpisali majoj ciotcy, što ŭsio z maim zdaroŭjem narmalna, chacia ŭ mianie na toj momant była ankałohija, i jany mahli na rańniaj stadyi heta znajści. Mała taho, za listy maich svajakoŭ mianie jašče i prysaromiła niezadavolenaja Łaskaŭniova: «Što tam tvaje skardziacca, što ty tam nahavaryŭ? Pahladzi, jak ty dobra vyhladaješ, tut jašče i horš ludzi vyhladajuć, a ŭ ciabie ŭsio narmalna». A mnie było vielmi drenna, ja zhasaŭ».
Major unutranaj słužby Darja Łaskaŭnieva — uradženka horada Nikiel Murmanskaj vobłaści Rasii. Hramadzianstva Biełarusi atrymała ŭ 2009 hodzie. Žančyna pastupiła na słužbu ŭ 2010-m na pasadu doktara-terapeŭta, paviedamlali ŭ «Biełpole». Za siem hadoŭ ź lejtenanta žančyna dasłužyłasia da majora ŭnutranaj słužby. Jaje muž — taksama častka pienitecyjarnaj sistemy: prynamsi, raniej pracavaŭ u vychavaŭčaj kałonii №2 Babrujska, dzie ŭtrymlivajucca niepaŭnaletnija złačyncy.
«U kałonijach, kaniečnie, pracujuć dobryja miedyki, ale takich adzinki. A praz takich, jak Łaskaŭniova, ludzi traciać zdaroŭje — ja voś vyjšaŭ sa złajakasnaj miełanomaj 3-j stadyi — i pamirajuć», — nie chavaje abureńnia Vadzim.
Raniej pra aburalnaje staŭleńnie načalnicy miedčaści da ludziej dadatkova raskazvaŭ eks-palitviazień Aleh Kuleša: «Hetaja žančyna — vialikaja prychilnica Łukašenki i vyklučnaja sadystka».
U babrujskaj kałonii zvalnieńnie Darji Łaskaŭniovaj «Našaj Nivie» naŭprost nie paćvierdzili, prapanavaŭšy zvanić joj asabista. Pa numary, zarehistravanym na jaje imia, dazvanicca nie atrymałasia: abanient štoraz skidaje zvanok.
Bunt u 2020-m, ucioki źniavolenych. Čym viadoma kałonija ŭ Babrujsku — samaja vialikaja ŭ Biełarusi
«Čaściej za ŭsio žučok staviać niedaloka ad razietak». Jak siłaviki prasłuchoŭvajuć biełarusaŭ pa telefonie i ŭ kvaterach
«Hłabalna niama roźnicy pamiž mnoj, Paźniakom i Cichanoŭskaj». Čym siońnia žyvie dysident Viačasłaŭ Siŭčyk — vialikaja hutarka
Kamientary
kak i v SIZO.