Złoŭlenaja na zdradzie ŭ časie kancerta Coldplay top-mieniedžarka kampanii Astronomer razvodzicca z mužam
Kiraŭnica adździeła pa pracy ź piersanałam amierykanskaj technałahičnaj kampanii, jakaja była na vialikim ekranie na kancercie Coldplay u abdymkach z hienieralnym dyrektaram kampanii, padała na razvod.
Žyćcio siamiejnaj pary Kebat imkliva źmianiłasia paśla hučnaha skandału. 52-hadovaja Kryścin Kebat, byłaja supracoŭnica kampanii Astronomer i kachanka ŭžo byłoha kiraŭnika Endzi Bajrana, padała na razvod sa svaim mužam — biźniesmienam Endru Kebatam. Adbyłosia heta mienš čym praź miesiac paśla taho, jak jaje z načalnikam zafiksavała kamiera pacałunkaŭ (kiss-cam) na kancercie Coldplay.
Adnak, pavodle byłoj žonki Endru, hety šlub užo byŭ pad pahrozaj. Džulija Kebat u kamientary dla Daily Mail adznačyła: «Ja napisała Endru adrazu paśla incydentu, a jon adkazaŭ: «Jaje žyćcio mianie nie datyčycca». Jon kazaŭ, što jany ŭžo byli ŭ pracesie razvodu».
U dakumientach, padadzienych u sud 13 žniŭnia, paznačana, što heta budzie ŭžo treci razvod Endru Kebata, kiraŭnika siamiejnaj kampanii Privateer Rum, adnoj z bahatych i ŭpłyvovych siemjaŭ.
Džulija Kebat, jakaja była zamužam za Endru z 2014 da 2018 hoda, śćviardžaje, što jon «nie vielmi dobry čałaviek», jaho cikaviać tolki hrošy i što mnohija ź jaje znajomych nazvali toje, što adbyłosia, «karmaj». Pavodle jaje słoŭ, jaho reakcyja była chałodnaj i biezemocyjnaj: «Ja dumaju, jon prosta źniervavaŭsia praz soram, a nie praz pačućci».
Ale, mahčyma, šlub zachavaŭsia b, kali b nie skandał.
Kryścin i Endru Kebaty nabyli čatyrochpakajovy dom na ŭźbiarežžy za $2,2 miljona ŭsiaho za piać miesiacaŭ da incydentu. Kali sprava dojdzie da padziełu majomaści, razvod moža być takim ža składanym, jak i papiaredni razvod Endru.
U vypadku z Džulijaj, šlub doŭžyŭsia dva hady i skončyŭsia tym, što jana atrymała $1 miljon, dom za $1,9 miljona i aŭtamabil Jaguar.
Stasunki Kryścin i Endzi Bajrana stali virusnaj infanahodaj paśla taho, jak ich piaščotnaje pavodziny trapili ŭ kadr padčas kancerta Coldplay, i videa šyroka raspaŭsiudziłasia ŭ sacsietkach.
Padčas hetaha incydentu Endru Kebat znachodziŭsia ŭ dziełavoj pajezdcy ŭ Japonii i daviedaŭsia pra toje, što adbyłosia, tolki pa viartańni.
Pakul nivodzin z udzielnikaŭ skandału nie daŭ aficyjnaha kamientara dla presy.
Top-mieniedžarka Astronomer, jakaja abdymałasia z CEO kampanii na kancercie Coldplay, taksama zvolniłasia
Hiendyrektara IT-kampanii adchilili paśla videa z padnačalenaj na kancercie Coldplay
Kaleha, jakuju piaščotna abdymaŭ hiendyrektar IT-kampanii Astronomer na kancercie Coldplay, zamužam za inšym hiendyrektaram
Žanaty kiraŭnik IT-kampanii trapiŭ u kadr z kachankaj na kancercie ŭlubionaha hurta. Heta stała dla pary niespadziavankaj VIDEA
Žonka kiraŭnika IT-kampanii, jakoha zaŭvažyli na kancercie z kalehaj-kachankaj, adreahavała na situacyju
Ciapier čytajuć
Adpačynak u Emiratach skončyŭsia dla siamji trahiedyjaj: «Mama pamierła, a ajčym apynuŭsia ŭ turmie»6
Adpačynak u Emiratach skončyŭsia dla siamji trahiedyjaj: «Mama pamierła, a ajčym apynuŭsia ŭ turmie»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary