Machlary prymusili piensijanierku ŭziać try kredyty i navat zrabili svajoj pamahataj
Złačyncy telefanujuć ad imia supracoŭnikaŭ Fondu sacyjalnaj abarony nasielnictva i pahražajuć pakinuć biełarusaŭ bieź piensii. Achviar takoj afiory z kožnym dniom stanovicca ŭsio bolš. Niadaŭna anałahičnaja historyja adbyłasia ŭ Minsku, piša Blizko.by
Na liniju «102» źviarnułasia minčanka i raspaviała, što jaje pažyłaja maci pieradała kurjeru telefonnych machlaroŭ amal 70 tysiač rubloŭ u ekvivalencie. Vyśvietliłasia, što hrošy zabrała 60-hadovaja vykładčyca staličnaj VNU. Ale taja vykładčyca i sama stała achviaraj afierystaŭ.
Usio pačałosia sa zvanka ŭ miesiendžar: nieznajomiec na inšym kancy drotu pradstaviŭsia supracoŭnikam Fondu sacyjalnaj abarony nasielnictva i zapatrabavaŭ udakładnić asabistyja źviestki, a taksama zahruzić elektronny dadatak FSAN. Mužčyna pryhraziŭ, što ŭ vypadku admovy žančynie pierastanuć vypłačvać piensiju.
Minčanka vykanała ŭsie patrabavańni, paśla hetaha ź jaje rachunku śpisali hrošy. Joj tut ža patelefanavaŭ inšy nieznajomiec-užo pad vyhladam supracoŭnika Departamienta finansavych rasśledavańniaŭ. Surazmoŭca zapeŭniŭ, što pa fakcie kradziažu hrošaj raspačataja pravierka, adnak złačyncy nibyta paśpieli aformić zajaŭku na kredyt ad imia žančyny.
Kab dapamahčy ŭ ich złavić, minčanka pa kamandzie kurataraŭ uziała ŭ troch bankach kredyty na 30 tysiač rubloŭ i pieraviała hrošy na śpiecyjalnyja rachunki. Paśla hetaha ŭ miesiendžary joj dasłali falšyvyja daviedki ab daterminovym pahašeńni ŭsich pazyk.
Adnak na na hetym historyja nie skončyłasia. Dalej ad imia milicyi žančynu paprasili dapamahčy pažyłoj minčancy, u jakoj prablemy sa zdaroŭjem. Treba było zabrać u toj piensijanierki hrošy i takim ža čynam pakłaści ich na rachunak. Žančyna vykanała ŭkazańni afierystaŭ, ale nieŭzabavie jaje zatrymała milicyja.
Zaviedziena kryminalnaja sprava.
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj31
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary