Z Pskoŭskaj u Viciebskuju vobłaść budzie chadzić rejkavy aŭtobus-ciahnik
Budzie i pamiežny kantrol.
Rejkavy aŭtobus zapuściać ź Vialikich Łuk u Viciebskuju vobłaść. Złučeńnie na maršrucie pierapyniłasia ŭ 2014 hodzie, piša Tochka.by.
Rasijskija čyhunki zadziejničajuć na hetym kirunku rejkavy aŭtobus RA-2. Heta nievialiki dyzielny ciahničok dla pieravozak na karotkija adlehłaści.
Ciahnik budzie kursiravać pa maršrutach Vialikija Łuki (Pskoŭskaja vobłaść) — Alošča (stancyja ŭ Połackim rajonie, niepadalok ad miažy z Rasijaj) i Navasakolniki (Pskoŭskaja vobłaść) — Alošča.
Pakatacca možna raz na tydzień — pa sieradach. Čas u darozie składzie da troch hadzin.
Z Novasakolnikaŭ i Vialikich Łuk možna zručna dabracca da Pskova ci Sankt-Pieciarburha.
Pasažyraŭ abaviažuć prajści pamiežny kantrol, ale pa sproščanaj pracedury. Kvitki možna kupić u ciahniku ŭ kantraloraŭ-kasiraŭ pa karcie albo za najaŭnyja.
Pradaduć prajazny dakumient tolki biełarusam i rasijanam. Dla hramadzian inšych krain prajezd u hetym ciahniku niemahčymy.
Pašpart treba abaviazkova brać u darohu. Kali pasažyr nie pakaža jaho pamiežnikam, jamu zabaroniać jechać dalej.
Ź Vialikich Łuk u Alošču ciahnik adpraŭlajecca ŭ 06:57, a prybyvaje ŭ 09:57. Nazad pa hetym ža maršrucie — adpraŭleńnie ŭ 15:54 i prybyćcio ŭ 18:48.
Z Aloščy ŭ Novasakolniki ciahnik źjedzie ŭ 10:07 z prybyćciom u 12:46. Čas dla zvarotnaha maršrutu — 12:55 i 15:44.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary