Hramadstva1111

Siamja Pratasievičaŭ praśpiavała «Viecier pieramien». Jak sioleta śviatkavali vypusknyja

Radasnyja vypuskniki zapoŭnili sacyjalnyja sietki fota i videa sa svajho śviata. «Naša Niva» pahladzieła, jak ža adznačali vypusknyja paśla paprokaŭ Łukašenki. Sprojler: aŭtobusy zamiest limuzinaŭ, čyrvona-zialonyja fajery i ŭskładańnie kvietak partyzanam.

Fota ź instahramu polyywee

U Mahilovie, zdajecca, surjozna padyšli da patrabavańnia Łukašenki nakont «nijakich limuzinaŭ». Vypusknikoŭ na «Zorny vypuskny» pryvozili MAZaŭskija aŭtobusy, jakija ŭpryhožyli šarami i nalepkami.

 

Ale niechta z mahiloŭskich vypusknikoŭ pažartavaŭ z hetych śviatočnych aŭtobusaŭ i zrabiŭ videa pad pieśniu «Atestat» hrupy «Butyrka». «Sustrakajučy śvitanak, vypuskniki navat nie padazravali, što praviaduć razam jašče 15 sutak», — padpisaŭ rolik aŭtar.

 

U staličnaj himnazii №15 vypusknikam, jakija čakali śvitanak, prapanavali napisać pažadańnie sabie praz 10 hadoŭ. Usie zapiski sabrali i zakłali «kapsułu času».

A administracyja škoły pachvaliłasia tym, jak stylova vyhladaje školnaje kafe, dzie i śviatkavali vypuskny.

 

U homielskaj škole №60 vypuskny arhanizoŭvali samastojna. Nijakaha pafasu: na školnaj scenie ŭčorašnija adzinaccacikłaśniki i ich baćki pakazvali humarystyčnyja scenki, a potym tančyli. Zdajecca, usim było viesieła.

 

U adnoj ź inšych škoł Homiela taksama śviatkavali vypuskny ŭ ścienach navučalnaj ustanovy. Paśla aficyjnaj častki z uručeńniem atestataŭ tančyli i śpiavali ŭ faje na fonie stendaŭ pra zdarovaje charčavańnie, a sustrakajučy śvitanak, palili čyrvonyja i zialonyja fajery.

 

U Vałožynie na vypusknym siamja Pratasievičaŭ vykanała pieśniu «Viecier pieramien».

 

Na śviata ŭ honar zakančeńnia 11 kłasaŭ u Bierazino zaprasili i adzinuju vypusknicu Ušanskaj siaredniaj škoły. Dziaŭčynku, jakaja, zdajecca, krychu saromiełasia być u centry ŭvahi, supravadžali dyrektar škoły i kłasnaja kiraŭnica.

 

U Maładziečnie vypuskniki škoł razam z nastaŭnikami i baćkami arhanizavali śviatočnaje šeście i prajšli pa pierakrytaj prajeznaj častcy.

U Ščučynie pierad pačatkam śviatkavańnia vypusknikoŭ roznych škoł i himnazij horada pavieźli ŭskładać kvietki da pomnika savieckim voinam i partyzanam, zahinuŭšym u hady vajny.

 

Sioleta škołu skončyła junaja artystka Dzijana Malaŭskaja. Dziaŭčyna ŭdzielničała ŭ 3 siezonie šou «Faktar.by» i ciapier vielmi hanarycca tym faktam, što jaje vystup trapiŭ u storys Volhi Buzavaj. U hetym hodzie Dzijana prezientavała pieśniu «Vypuskny». Chłopiec śpiavački padaryŭ vialiki bukiet kvietak joj na scenie padčas uručeńnia atestataŭ.

Darečy, treba adznačyć, što takaja prajava pačućciaŭ ciapier u trendzie. U tyktoku jość dziasiatki videa ad biełaruskich vypusknic, jakija atrymlivajuć ad lubimych bukiety. Podpis zvyčajna taki: «Ździejśniŭ maru».

U Žodzinie hierainiaj vypusknoha bała stała Jaŭhienija Svojnikava, jakaja skončyła škołu №2. Da jaje na śviata raptoŭna pryjechaŭ jaje kachany Mikita Ivanoŭ, jaki ciapier słužyć u armii — chłopiec u armiejskaj formie pryjechaŭ z bukietam ruž. Darečy, para stała i zorkami tyktoku — videa pra ich nabrała ŭžo 420 tysiač prahladaŭ.

 

Zdajecca, zdymka videa dla tyktokaŭ užo taksama stali važnaj častkaj śviatkavańnia vypusknych i padrychtoŭki da ich. Naprykład, roliki hetaj błohierki-vypusknicy z Maładziečna źbirajuć sotni tysiač prahladaŭ.

Kamientary11

  • +_+
    16.06.2024
    siamja Pratasievičaŭ małajcy
  • Vład
    16.06.2024
    Kninžatina spłošnaja.
  • daviedka
    16.06.2024
    Utrom včiera nabludał v oknie iduŝuju iz mahazina vypusknicu v natianutych sołnciezaŝitnych očkach v połovinu lica, strastno chleŝuŝuju na chodu s horła piťjevoj johurt... Noċ pośle vypusknoho vydałaś na słavu.)
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Usie naviny →
Usie naviny

Tramp vymušana spyniaje rejdy suprać imihrantaŭ u sielskaj haspadarcy i hatelnym biznesie3

Navukoŭcy znajšli prosty sposab paspryjać rostu raślin — muzyka, ale nie kožnaja20

Ryanair budzie štrafavać pasažyraŭ, jakija parušajuć paradak1

U Homieli 7 hadoŭ tamu pabudavali prybiralniu ledź nie za miljon dalaraŭ. Jak u joj ciapier?4

U Dubai zahareŭsia 67-paviarchovy chmaračos3

Što moža čakać tych, kaho buduć sudzić pa spravie «Biełaruskaha Hajuna»?

Łukašenka parekamiendavaŭ biełarusam nie nalahać na bulbu13

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

bolš čytanych navin
bolš łajkanych navin

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić