Kiroŭca, jaki naśmierć źbiŭ viadomaha doktara ŭ Babrujsku, byŭ pjany. Jaho za ruki trymali, kab nie ŭpaŭ
Miedahlad pakazaŭ najaŭnaść u kiroŭcy 2 pramile ałkaholu ŭ vydychanym pavietry.
Va USK raspaviali pra abstaviny zdareńnia, jakoje adbyłosia ŭviečary 10 červienia ŭ Babrujskim avijaharadku na vulicy Koŭzana.
Uviečary minułaha paniadziełka, kala 21:40, aŭtamabil Opel najechaŭ na 51-hadovaha mužčynu. Ad atrymanych traŭmaŭ mužčyna pamior. Jak paźniej vyśvietlicca, zahinułym akazaŭsia viadomy ŭ horadzie doktar Siarhiej Nikicin. Jon pracavaŭ uračom-renthienołaham (v.a. zahadčyka) adździaleńnia pramianiovaj dyjahnostyki ŭ Babrujskim mižrajonnym ankałahičnym dyspansiery, a taksama ŭ adnym z babrujskich miedcentraŭ.
Jak vyśvietliłasia, u toj fatalny viečar razam z žonkaj jon išoŭ z haraža dadomu. Išli pa abočynie ŭ spadarožnym kirunku ruchu aŭtamabilaŭ. Žonka pačuła huk aŭto, a paviarnuŭšysia, ubačyła jak muža źbiŭ aŭtamabil, piša abw.by.
Kiroŭca, chavajučysia ź miesca śmiarotnaha najezdu, učyniŭ jašče adno DTZ
Paśla najezdu na piešachoda Opel praź niekalki dziasiatkaŭ mietraŭ spyniŭsia. Kiroŭca ahledzieŭ svoj aŭtamabil, azirnuŭsia i źjechaŭ. Vidavočcy sprabavali jaho spynić, ale biespaśpiachova. Ruchajučysia na chutkaści, jon nie ŭpisaŭsia ŭ pavarot — aŭtamabil urezaŭsia ŭ płot. Heta značyć kiroŭca ździejśniŭ užo druhoje DTZ.
Na miesca prybyli inśpiektary DAI, jakija zatrymali kiroŭcu i pavieźli na miedahlad. Śledčamu jon rastłumačyŭ, što za niekalki hadzin da zdareńnia jon ramantavaŭ mašynu ŭ svaim haražy i vypivaŭ.
Na pachavańni kalehi zahinułaha kazali: «Kiroŭca pjany byŭ zusim, kali jaho z mašyny dastavali, za ruki trymali, kab nie ŭpaŭ».
U dačynieńni da 38-hadovaha žychara Babrujska zaviedziena kryminalnaja sprava pa č. 4 art. 317 (parušeńnie praviłaŭ darožnaha ruchu asobaj, jakaja kiruje transpartnym srodkam u stanie ałkaholnaha apjanieńnia, što paciahnuła pa nieaściarožnaści śmierć čałavieka) Kryminalnaha kodeksa Biełarusi. Jon pad vartaj.
Ciapier čytajuć
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija1
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary