Hramadstva1818

Malavanyč źjazdžaje z Hruzii. Kudy i čamu?

Akcior Alaksandr Ždanovič, bolš viadomy hledačam «Kałychanki» roznych pieryjadaŭ jak Malavanyč, raźvitvajecca z Tbilisi, u jakim pražyŭ dva z pałovaj hady. Jon raspavioŭ «Našaj Nivie» pra pryčyny pierajezdu.

Alaksandr Ždanovič. Fota ź jaho fejsbuku

Alaksandr kaža, što hetaje składanaje rašeńnie saśpiavała daŭno. Ale strymlivała zrabić hety krok simpatyja da Hruzii i jaje ludziej. U akciora źjaviłasia tut šmat siabroŭ — jak siarod biełarusaŭ, tak i siarod hruzinaŭ.

— Na žal, kulturnickaje biełaruskaje koła ŭvieś čas zvužałasia. Znajści, z kim zapisvać novyja videa i ładzić inšyja prajekty ŭžo praktyčna nie mahčyma.

Jon pryznajecca, što jašče da vymušanaha adjezdu ź Biełarusi dumaŭ tolki pra Polšču, bo z hetaj krainaj Alaksandra šmat što źviazvaje.

— Na pačatku 90-ch, razam z akciorami minskaha Ruskaha teatra, ja ŭdzielničaŭ u sumiesnym biełaruska-polskim prajekcie. Viadomy krakaŭski režysior Kšyštaf Jasiński, stvaralnik teatra STU pastaviŭ u nas śpiektakl «Varjat i zakońnica» pa pjesie Vitkieviča. Z taho času my pasiabravali z akciorami hetaha teatra. Šmat razoŭ vystupali razam u Krakavie, u inšych haradach. U hetym hodzie, mahčyma, u mianie adbudziecca stažyroŭka ŭ Krakaŭskim teatry STU.

Ale ŭ jakaści novaha domu Alaksandr vybraŭ nie Krakaŭ, a Varšavu. Pierš za ŭsio z pryčyny taho, što heta asnoŭny centr biełaruskaha kulturnickaha žyćcia za miažoj.

— Da taho ž maju honar być dobra znajomym z metram polskaha kino Kšyštafam Zanusi, ź jakim taksama rabiŭ razam śpiektakl i maju nadzieju čaściej bačycca ŭ Varšavie.

Alaksandr raspaviadaje, što ŭ jaho jość niekatoryja damoŭlenaści, płany i nadziei. Ale ŭ peŭnym sensie jon jedzie ŭ nieviadomaść. Tamu pierajazdžaje z ambivalentnym pačućciem nadziei i chvalavańnia.

— Sa mnoj zastajecca toje, što ja ŭmieju, u čym zapatrabavany. Praca ź dziećmi, «Bejbus», batlejka. Jość, kaniešnie, novyja idei, jakija maru ažyćciavić. Płanuju praciahvać pisać kazki. U chutkim časie pavinny vyjści niekalki novych knižak. Jość idei pa stvareńni monaśpiektaklej, jak dla dziaciej, tak i dla darosłych. Ale razumieju, što budzie składana.

Pa słovach akciora, Hruziju jon pakidaje sa ščymotaj, bo tut jamu dychałasia lohka i volna.

— Heta kraina dazvalała zastavacca samim saboj, dzialiłasia svajoj pryhažościu, svajoj dziciačaj biesturbotnaściu. Hruzija — nievierahodnaja kraina. Kraina kantrastaŭ. Jaje albo chtości całkam nie prymaje, albo kahości jana nie adpuskaje nikoli. U maim žyćci jana zastaniecca nazaŭsiody!

U dzień svajho 60-hodździa Alaksandr zładziŭ śviatočnuju sustreču ŭ Tbilisi, kab nie tolki adśviatkavać jubilej, ale i raźvitacca.

Kamientary18

  • A
    26.06.2024
    babrujčanin, takim mabyć mientalna bližej Adler, Anapa, Orsk, Tamboŭ i Muchasransk?
  • Pośpiechažadaciel
    26.06.2024
    Žadaju pośpiechaŭ!!!
  • rom
    26.06.2024
    Davaj v Biełaruś… a to potym znou budieš šukať dzie žyť
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U biełarusaŭ Polščy byli pryčyny nie hałasavać za Tšaskoŭskaha9

U biełarusaŭ Polščy byli pryčyny nie hałasavać za Tšaskoŭskaha

Usie naviny →
Usie naviny

Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie11

«Jak kupiła sukienku na śmierć 38 hadoŭ tamu, tak i lažyć». Babula ź vioski pakazała svoj kufar1

U Biełarusi chočuć pastrožyć praviły vydačy pazyk

Vy kažacie, što ŠI zamienić čałavieka? Vy nie razumiejecie natury čałavieka3

Azaronak napisaŭ pra palitemihranta — paśla hetaha brata i baćku taho kinuli za kraty6

Navukoŭcy raskryli tajamnicu rudych katoŭ, jakaja nie davała spakoju dziesiacihodździami3

«Kupałaŭcy» anansavali apošniuju ŭ siezonie premjeru — raskazvajem, pra što budzie novy śpiektakl «Valizka»

Ihar Sierhiejenka pieradaŭ Papu abraz u padarunak ad Łukašenki8

Budaŭnictva kaštavała 60 miljonaŭ jeŭra. Što ŭnutry novaha mižnarodnaha vystavačnaha centra ŭ Minsku FOTY4

bolš čytanych navin
bolš łajkanych navin

U biełarusaŭ Polščy byli pryčyny nie hałasavać za Tšaskoŭskaha9

U biełarusaŭ Polščy byli pryčyny nie hałasavać za Tšaskoŭskaha

Hałoŭnaje
Usie naviny →

Zaŭvaha:

 

 

 

 

Zakryć Paviedamić