Minpracy napiaredadni hetaj daty nahadała pra asnoŭnyja niuansy zapłanavanych źmienaŭ.
Pavialičycca pamier balničnych dla biełarusaŭ, u jakich pracoŭny staž bolšy za 10 hadoŭ. Dla ich balničny ź pieršaha dnia chvaroby budzie apłačvacca ŭ pamiery 100% stračanaha zarabotku. Dla hramadzian sa stažam mienš za 10 hadoŭ — balničny ź pieršaha dnia chvaroby budzie apłačvacca ŭ pamiery 80%.
Pakul dapamoha pa časovaj niepracazdolnaści pieršyja 12 dzion kampiensuje 80% stračanaha zarobku, astatnija dni chvaroby — 100%.
Minimalny pamier balničnych budzie zaležać ad pamieru minimalnaj zarabotnaj płaty. Z 1 studzienia jana składaje 626 rubloŭ.
Ciapier ža minimalny pamier balničnaha — 50% biudžetu pražytačnaha minimumu, heta značyć 209,36 rubla.
Kali vy pracujecie pa sumiaščalnictvie, to balničnyja vam buduć pryznačać tolki pa asnoŭnym miescy pracy, ale z ulikam zarobku va ŭsich pracadaŭcaŭ. Kali takoha niama, to supracoŭnik sam vybiraje, u jakim ź miescaŭ pracy pa sumiaščalnictvie jamu pryznačać balničny.
Dahetul hrašovaja dapamoha pryznačałasia ŭ kožnaha pracadaŭcy, ź jakim aformlenyja pracoŭnyja adnosiny.
Taksama źmianiajecca raźlikovy pieryjad. Ciapier uličvajuć tolki 6 kalandarnych miesiacaŭ, jakija papiaredničajuć zachvorvańniu, a z 1 lipienia buduć uličvać 18 miesiacaŭ (vyklučeńnie — čas prastojaŭ, adpačynkaŭ za svoj košt pa inicyjatyvie najmalnika, pieryjadaŭ časovaj niepracazdolnaści i atrymańnia inšych sacyjalnych vypłat). Pryčym usie danyja za 18 miesiacaŭ buduć uličanyja navat u tym vypadku, kali čałaviek źmianiŭ miesca pracy.
Ciapier čytajuć
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8080
Kamientary