Znajšlisia try ŭstanovy, hatovyja navučyć zamiežnikaŭ biełaruskaj movie
U stalicy jość jak minimum try ŭstanovy adukacyi, dzie dajuć takuju mahčymaść dla ŭsich zamiežnikaŭ. I heta nie havoračy pry jakija-niebudź pryvatnyja kursy abo repietytaraŭ, pišuć Minsk-naviny.
Heta Minski dziaržaŭny linhvistyčny ŭniviersitet (MDŁU).
Kali ŭ zamiežnika jość rehistracyja ŭ Minsku, jon moža źviarnucca va ŭpraŭleńnie mižnarodnych suviaziaŭ MDŁU i aformić indyvidualnaje navučańnie pa biełaruskaj movie. Pry hetym vybar kolkaści zaniatkaŭ, ich tematyki zastajecca za navučencam, — raspaviali ŭ Instytucie pavyšeńnia kvalifikacyi i pierapadrychtoŭki VNU.
Sam kurs nazyvajecca «Biełaruskaja jak zamiežnaja», i kali ad zamiežnika pastupaje zapyt, jon pieradajecca na kafiedru biełaruskaj movy i litaratury, pryznačajecca vykładčyk kursu, jaki kuryruje zamiežnaha navučenca.
Takija zapyty rehularna pastupajuć, navučańnie pradstaŭnikoŭ zamiežža — heta ŭžo sistemnaja praca. Siarod ich šmat kitajcaŭ, byŭ navat čech.
Taksama takaja mahčymaść isnuje ŭ Biełaruskim dziaržaŭnym piedahahičnym univiersitecie imia Maksima Tanka na padrychtoŭčym adździaleńni Centra dadatkovaj adukacyi «Alternatyva». Tam farmujucca navučalnyja hrupy z roznym terminam navučańnia — ad 3,5 da 10 miesiacaŭ. Ale tam pieravažna navučajuć ruskaj movie, a nakont biełaruskaj movy zajavak ad hrup nie pastupała. Adnak univiersitet prapanuje prajści indyvidualny navučalny kurs.
Taksama možna źviarnucca ŭ Respublikanski instytut vyšejšaj škoły (RIVŠ), jaki pravodzić navučalnyja kursy jak pa ruskaj, tak i pa biełaruskaj movach dla zamiežnych hramadzian. Sami zaniatki pa žadańni buduć prachodzić indyvidualna albo ŭ małakamplektnych hrupach ad 3 da 5 čałaviek, u standartnych — ad 10 da 12 čałaviek. I znoŭ ža taja ž prablema. Dla rasijskaj movy jość zapyty, a voś zapyt na biełaruskuju pastupaje redka.
Ciapier čytajuć
«Što vy hadaść amierykanskuju padsoŭvajecie?» Łukašenka zahadaŭ, kab u Mak.by ŭsio było biełaruskaje3
Kamientary