U Mazyry pierad pryjezdam Łukašenki dvojčy za dzień pakazalna zatrymali rabotnika NPZ
U zatrymańni ŭdzielničali słužba achovy pradpryjemstva i HUBAZiK.
Rabotnika Mazyrskaha NPZ Ihara Šukanava dvojčy pakazalna zatrymali 1 žniŭnia — pierad pryjezdam u horad Łukašenki.
Pieršaje zatrymańnie 61-hadovaha mužčyny pravodziła słužba biaśpieki MNPZ — «bałałajeŭcy». Narodnaja nazva zavodskaj śpiecsłužby atrymała pa proźviščy byłoha supracoŭnika KDB Uładzimira Bałałajeva, jaki ŭznačalvaŭ słužbu biaśpieki pradpryjemstva ź siaredziny 1990-ch i da 2021 hoda, piša «Fłahštok».
Na prachadnoj supracoŭniki achovy NPZ vysadzili Šukanava sa słužbovaha UAZa. A zatym prosta tam jaho zatrymali druhi raz — užo supracoŭniki HUBAZiKa.
Siłaviki čakali rabotnika zavoda na šerym mikraaŭtobusie MAZ ź minskim numaram AM 6046-7. U zatrymańni Šukanava ŭdzielničali piać milicyjantaŭ: dvoje zrabili jaho zachop i pakłali tvaram u asfalt, pry hetym adzin ź ich utrymlivaŭ šyju zavadčanina kalenam.
Zatrymlivali Šukanava pakazalna i ŭ metach zastrašvańnia jahonych kalehaŭ — śviedkami byli rabotniki MNPZ, jakija stajali na prypynku.
Šukanava zatrymali za reposty niezaležnych ŚMI ŭ fejsbuku, u jakich vykazvałasia niazhoda z vynikami prezidenckich vybaraŭ 2020 hoda.
U toj ža dzień 1 žniŭnia mužčynu asudzili pa druhoj častcy artykuła 19.11 «raspaŭsiud infarmacyjnaj pradukcyi, uklučanaj u respublikanski śpis ekstremisckich materyjałaŭ». Rašeńnie suda nieviadoma. 6 žniŭnia źmieściva asabistaj staronki mazyranina było vydalenaje.
Pierad vizitam Łukašenki ŭ Mazyry za palityku zatrymali nie mienš za 5 čałaviek.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?18
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary