«Ja vielmi doŭha nie mahła heta pryniać».
U novym vypusku TOKu palitołah Roza Turarbiekava pryznałasia, što dyjahnaz aŭtyzm, jaki byŭ pastaŭleny jaje dačce, staŭ «nieparaŭnalnym ni z čym udaram».
«Ja vielmi doŭha nie mahła z hetym źmirycca. Navat nie źmirycca, a pryniać. Ja rozumam prymała, a ŭsim astatnim nie. Ja litaralna siabie zahnała ŭ hetym sensie ŭ sapraŭdnuju depresiju», —
ščyra raskazvaje žančyna.
Kab vyjści z depresii, joj spatrebiłasia vielmi šmat času. Šmat dapamahaŭ joj u hetym muž.
«Ja paśpiachova z hetaha vyjšła. Ciapier heta dla mianie źjaŭlajecca tym vyklikam, ź jakim ja spraŭlajusia i budu spraŭlacca. Jon prymusiŭ mianie kardynalna źmianić adnosiny da žyćcia i da ludziej. (…)
Ja adkryła dla siabie zusim inšy śviet, u jakim jość ludzi, jakija pieraadolvajuć siabie kožny dzień i kožnuju hadzinu, jakija znachodziacca ŭ dastatkova ahresiŭnym dla siabie asiarodździ.
Ich litaralna ŭsio — huk, śviatło, čužy čałaviek, pach — mohuć vybić z kalainy. I my z usimi hetymi rečami pracavali i praciahvajem pracavać. Tamu što aŭtyzm nie lečycca. Heta nazaŭsiody. Heta pažyćciovaja reabilitacyja 24 hadziny ŭ sutki. Heta navat nie marafon», —
dzielicca Turarbiekava i adznačaje, što jaje hierainiami stali maci takich ža dziaciej, jakija zmahli nie tolki pieraadoleć zachvorvańnie, ale i stvaryć strukturu dla reabilitacyi jak svaich, tak i čužych dziaciej.
Roza Turarbiekava raskazvaje, što ad svajoj dački zmahła navučycca lubić ružovaje i inšyja jarkija kolery, być bolš žanockaj, lubić kvietki ŭ roznych vidach (naprykład, na sukiency), skakać na batucie.
Dla jaje dački ščaście — malavańnie. «Jana siabie realizuje praz heta. I heta toje, što ja mahu padtrymlivać nastolki, nakolki heta mahčyma».
Padčas razmovy Roza Turarbiekava taksama adznačyła, što jaje supracoŭnictva z hazietaj «SB. Biełaruś siehodnia» (jana była aŭtaram kałonki pa mižnarodnych adnosinach) było abumoŭlena pošukam dadatkovych srodkaŭ na reabilitacyju dački.
Adnačasova jana była kałumnistam u analityčnym prajekcie «Naša mierkavańnie» Valeryi Kaściuhovaj.
Hladzicie całkam:
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!2
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary