Pa słovach premjer-ministra, najbolš imaviernym kandydatam ad «Hramadzianskaj kaalicyi» budzie mer Varšavy Rafał Tšaskoŭski.
16 žniŭnia premjer-ministr Polščy Donald Tusk abviaściŭ, što nie budzie bałatavacca ŭ prezidenty. Čakajecca, što rašeńnie «Hramadzianskaj kaalicyi» pa hetym pytańni budzie abvieščana da Kalad. Pa słovach Donalda Tuska, najbolš imaviernym kandydatam budzie mer Varšavy Rafał Tšaskoŭski, paviedamlaje Polskaje radyjo.
«Ja adčuvaju siabie kampietentna i kamfortna tam, dzie ja znachodžusia. Nie vypadkova Rafał Tšaskoŭski pa ŭsich apytańniach zdajecca najbolš prymalnym dla palakaŭ kandydatam u prezidenty, i heta najbolš vierahodny scenar», — adznačyŭ kiraŭnik urada.
Apazicyjnaja partyja «Prava i spraviadlivaść» (Pis) taksama šukaje svajho kandydata. U hetym kantekście zhadvajucca były premjer-ministr Matevuš Maraviecki, deputat Źbihnieŭ Bahucki i Jeŭradeputat Tobijaš Bachieński.
Ad imia «Treciaha šlachu», mahčyma, budzie bałatavacca śpikier Siejma Šyman Chałoŭnia. Kandydatam ad ultrapravaj «Kanfiederacyi» Źjaŭlajecca Słavamir Mientcen, a «Levyja» jašče nie pryniali rašeńnia pa hetym pytańni.
Kamientary