Kino1313

Na Niamizie vyviešvali raściažku «…kab tavaryš Stalin dziakuj skazaŭ». Što adbyvałasia?

U Minsku zdymali čarhovy rasijski film pra vajnu. Siarod jaho stvaralnikaŭ — fanat vajny, rasijski akcior Uładzimir Maškoŭ.

Skrynšot videa ŭ tyktoku

U sacyjalnych sietkach źjavilisia fota i videa ź miesca zdymak — ludzi cikavilisia, što adbyvałasia ŭ Vierchnim horadzie, dzie pastavili savieckija dekaracyi (u tym liku i raściažku «Pracavać treba tak, kab tavaryš Stalin dziakuj skazaŭ»).

Nacyjanalnaje ahienctva pa turyźmie papiaredžvała, što 13 žniŭnia na Niamizie buduć prachodzić zdymki kinafilma «U śpisach nie značyŭsia», a dostup na terytoryju budzie abmiežavany.

Heta čarhovy rasijski film na temu Druhoj suśvietnaj vajny. U asnovie scenara — adnajmienny raman Barysa Vasiljeva, napisany ŭ 1974 hodzie. Hałoŭny hieroj historyi — lejtenant Mikałaj Płužnikaŭ, jaki traplaje ŭ Bresckuju krepaść pierad samym pačatkam vajny, 21 červienia. Mienavita tamu jahonaha imia niama ŭ śpisach čaści. Paśla ŭvarvańnia vorahaŭ Płužnikoŭ zmahajecca, a potym hieraična hinie.

Fota z sajta belarus.kp.ru

U stvareńni filma prymaje ŭdzieł Teatr Aleha Tabakova. Mastacki kiraŭnik Uładzimir Maškoŭ raskazaŭ žurnalistam, što daŭno maryŭ zrabić kino z artystami teatra. Sam jon taksama vykanaje nievialikuju rolu ŭ filmie.

— Heta lejtenanckaja proza pra čałavieka, jaki tolki ŭvachodzić u śviet i za 300 dzion stanovicca boham vajny. Heta toj nieviadomy sałdat, jakomu staviać pomniki pa ŭsioj krainie. Hety čałaviek u śpisach nie značyŭsia: jaho niama, ale jon jość, i jon pieramoh. Taki tvor na kinaekranie nieabchodny, kab my viedali, adkul my. Asabliva dla maładoha pakaleńnia, — zajaviŭ rasijski akcior Maškoŭ u kamientary RIA «Naviny».

Darečy, sam Maškoŭ fanat vajny nie tolki na ekranie. Jon naviedvaŭ vajskovyja špitali i padtrymlivaŭ paranienych rasijskich sałdat. Raniej kazaŭ pra nieabchodnaść stvarać filmy pra «śpiecyjalnuju vajennuju apieracyju» (tak prapahanda nazyvaje vajnu). Uładzimir Maškoŭ navat admoviŭsia ad svajoj dački, jakaja žyvie ŭ ZŠA i asudžaje ŭvarvańnie Rasii va Ukrainu.

Biudžet poŭnamietražki «U śpisach nie značyŭsia» składaje 800 miljonaŭ rasijskich rubloŭ (kala 9 miljonaŭ dalaraŭ). Taksama stvaralniki zapytali padtrymku ad Fonda kino pamieram 500 miljonaŭ rasijskich rubloŭ.

Pradziusaram staŭ Cimur Vajnštejn. Hałoŭnuju rolu ŭ filmie vykonvaje Uładzisłaŭ Miler. Paśla Minska zdymki buduć praciahvacca ŭ Breście.

Premjera filma «U śpisach nie značyŭsia» zapłanavanaja na maj 2025 hoda.

Kamientary13

  • Rašysckija turysty
    17.08.2024
    "Taki tvor na kinaekranie nieabchodny, kab my viedali, adkul my." My i tak viedajem, chto vy i adkul. Vy z čamadana pucina.
  • Janka
    18.08.2024
    Čarhovy prapahandyscki bajavik na padmurku fantazij saŭkovaj prapahandy, jakoj byŭ vostra patrebny prykład hieraičnaha supracivu, kab aćciahnuć uvahu ad čyńnikaŭ chutkaści, ź jakoj niemcy i ichnyja chaŭruśniki za 5 miesiacaŭ 1941 zaniali bolšaść jeŭrapiejskaj častcy SSSR, abłažyli Leninhrad i ščylna padyjšli da Maskvy.
    Bieraściejskaja krepaść ŭ 1941 pratrymałasia 8 dzion, jak i pad čas jejnaj abłohi ŭ vieraśni 1939 - spačatku Huderyjanam, a potym Kryvašeinym, jakomu nacysty ŭračysta pieradali akupavanaje Bieraście i sumnieŭny honar złamić polski supraciŭ arjerhardu Radzišeŭskaha, jakoha savieckija ludažery praz hod rastralali ŭ Katyni.
    Tak, Haŭryłaŭ pratrymaŭsia bolš, ale hety adzinočny supraciŭ bolš darečna nazyvać partyzankaj pad čas, kali niemcy ŭžo całkam kantralavali krepaść, a jana nie aćciahvała nijakich dadatkovych vojskaŭ i ŭvohule nie zaminała im ruchacca dalej. A voś abaroncy Maryjupalu u 2020 ŭ poŭnym atačeńni paŭnavartasna baranili Azoŭstal zvyš za 2 z pałovaj miesiacy i aćciahvali na siabie vieličeznuju kolkaść rasiejskich ahresaraŭ - i hety biezprecedentny podźvih vidavočny biez dadatkovaj prapahandysckaj napampoŭki ŭsialakich liślivych vysokabiudžetnych prapahandystaŭ kštałtu Maškova.
  • Prosta žychar
    18.08.2024
    Dobra, što ŭ reakcyjach pad artykułami źjaviŭsia "fejspałm", ale ciapier brakuje reakcyi "..aŭno".

Hałyhina prymusili apraŭdvacca za zvarot da siłavikoŭ u 2020-m17

Hałyhina prymusili apraŭdvacca za zvarot da siłavikoŭ u 2020-m

Usie naviny →
Usie naviny

Dziaŭčyna z-pad Maładziečna niekalki miesiacaŭ žyła ŭ Hdańsku na vulicy. Jana raskazała pra svajo niaprostaje žyćcio24

Nazvany top-25 kampanij ź biełaruskim kapitałam na Padlaššy

Hienštab Ukrainy paviedamiŭ, što straty Rasii pieravysili 1 miljon čałaviek7

Prezident Sierbii pachvaliŭsia, što nie padpisaŭ dekłaracyju samitu ŭ Adesie i «nie zdradziŭ» Rasii7

U minskim kafe zakazy razvozić robat-aficyjant

Chłopčyki ŭžo nie ŭ modzie? Baćki ŭsio čaściej chočuć dačok4

U Biełarusi znoŭ sabrali hrošy na lačeńnie dziciaci z SMA1

U najbližejšy čas Izrail moža ŭdaryć pa Iranie9

Amierykanski miljanier pryjechaŭ u Polšču, kab nabyć futbolny kłub, i naśmierć padaviŭsia varenikam15

bolš čytanych navin
bolš łajkanych navin

Hałyhina prymusili apraŭdvacca za zvarot da siłavikoŭ u 2020-m17

Hałyhina prymusili apraŭdvacca za zvarot da siłavikoŭ u 2020-m

Hałoŭnaje
Usie naviny →

Zaŭvaha:

 

 

 

 

Zakryć Paviedamić