Kiraŭnictva rasijskaha futbolnaha kłuba paabiacali rasstralać za adsutnaść vyniku. A tam hulaje čaćviora biełarusaŭ
Ministr sportu Śviardłoŭskaj vobłaści Leanid Rapaport u efiry «4 kanała» raspavioŭ pra zadaču futbolnaha kłuba «Urał», jaki hulaje ŭ pieršaj lizie, na hety siezon.
Rapaport zajaviŭ, što hubiernatar Śviardłoŭskaj vobłaści Jaŭhien Kujvašaŭ pastaviŭ zadaču «Urału» viarnucca ŭ rasijskuju premjer-lihu (RPŁ), piša «Sport Biełarusi».
«Inakš rasstreł. Ja hetuju frazu ŭ hetaj studyi, darečy, kažu nie pieršy raz — pakul da krajniaj miery my nie dachodzili», — padkreśliŭ jon.
Paśla šaści matčaŭ «Urał» zajmaje druhoje miesca ŭ FNŁ (čempijanat pieršaj lihi), nabraŭšy 13 bałaŭ. Lidziruje tulski «Arsienał», u aktyvie jakoha 14 bałaŭ.
«Urał» upieršyniu ź siezona-2012/2013 vylecieŭ u pieršuju lihu. U siezonie-2023/2024 kłub ź Jekaciarynburha zaniaŭ u RPŁ 14-je miesca. Kamanda nabrała 30 bałaŭ za 30 matčaŭ. U stykavych matčach kamanda prajhrała taljacinskamu «Akronu».
U vyniku byŭ zvolnieny hałoŭny trenier kamandy, biełaruski śpiecyjalist Viktar Hančarenka, jaki nie raz rabiŭ biełaruski BATE čempijonam krainy i vyvodziŭ u hrupavy raŭnd Lihi čempijonaŭ i Lihi Jeŭropy.
Za «Urał» zaraz hulaje čaćviora biełarusaŭ: Jahor Filipienka, Uładzisłaŭ Malkievič, Valeryj Bačaroŭ i Dzianis Ščarbicki.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia12
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher22
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher2
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary