Śviet33

Robiert Kienedzi-małodšy prypyniŭ svaju pieradvybarčuju kampaniju

Jon budzie padtrymlivać Donalda Trampa.

Robiert Kienedzi-małodšy — plamieńnik prezidenta Džona F. Kienedzi i syn byłoha ministra justycyi Robierta F. Kienedzi. Fota: Jose Luis Magana / AP

Niezaležny kandydat Robiert Kienedzi-małodšy prypyniŭ svaju pieradvybarčuju kampaniju na pasadu prezidenta ZŠA. Pra heta jon abviaściŭ u piatnicu, vystupajučy pierad žurnalistami ŭ štacie Aryzona.

Kienedzi paviedamiŭ, što nie moža praciahvać svaju kampaniju z-za karupcyi ŭ orhanach ułady, u pryvatnaści Demakratyčnaj partyi, i z-za cenzury, jakoj viadučyja ŚMI padvierhnuli jaho vybarčuju kampaniju. Jon zajaviŭ, što padtrymaje kandydata ad Respublikanskaj partyi Donalda Trampa, paviedamlaje Hołas Amieryki.

Pa słovach Robierta Kienedzi, jon nie spyniaje, a tolki prypyniaje svaju pieradvybarčuju kampaniju. Jon skazaŭ, što jaho imia zastaniecca ŭ vybarčych biuleteniach u mnohich štatach, ale nie ŭ dziesiaci tak zvanych štatach, što «vahajucca».

Kienedzi zajaviŭ, što ŭ takich štatach, jak Aryzona, Nievada i Džordžyja, jon moh by paŭpłyvać na vynik vybaraŭ na karyść demakrataŭ, adnak choča hetaha paźbiehnuć, bo razychodzicca z demakratami pa mnohich ideałahičnych pazicyjach.

«Šmat miesiacaŭ tamu ja paabiacaŭ amierykanskamu narodu, što vyjdu z honki, kali stanu spojleram, — nahadaŭ Robiert Kienedzi-małodšy svaim vybarščykam. — Spojler — heta kandydat, jaki źmienić vynik vybaraŭ, ale sam nie maje šancaŭ pieramahčy. U maim sercy ja bolš nie vieru, što ŭ mianie jość realny šaniec pieramahčy na vybarach, z-za bieśpierapynnaj, sistemnaj cenzury, jakoj mianie padviarhajuć ŚMI. Tak što ja nie mahu z čystym sumleńniem kazać siabram svajoj vybarčaj kamandy i vałancioram praciahvać dzień i noč pracavać, abo prasić u sponsaraŭ, kab jany praciahvali davać mnie hrošy. Ja nie mahu im ščyra skazać, što ŭ mianie jość realny šlach u Bieły dom».

Spačatku Kienedzi bałatavaŭsia jak demakrat, ale, ź jahonych słoŭ, kiraŭnictva Demakratyčnaj partyi staviła pieraškody jahonaj pieradvybarnaj kampanii, bo jon pajšoŭ suprać ich hałoŭnaha kandydata — Džo Bajdena. Tady Kienedzi vyrašyŭ iści jak «niezaležny». Za toje, kab jaho imia trapiła ŭ vybarčyja biuleteni, jamu davodziłasia zmahacca ŭ kožnym štacie. U Ńju-Jorku sud jamu ŭ hetym admoviŭ.

Kienedzi sabraŭ kala miljona podpisaŭ vybarščykaŭ i zaručyŭsia padtrymkaj 5% adsotkaŭ nasielnictva. Jaho palityčnyja pohlady pryciahvali i levych, i pravych: jon byŭ suprać dapamohi Ukrainie, ale za padtrymku Izraila; suprać zabaronaŭ na aborty, ale za achovu paŭdniovych miežaŭ krainy ad prytoku imihrantaŭ.

Pavodle jaho ŭłasnych słoŭ, dla jaho ideałahična samymi važnymi źjaŭlajucca try pazicyi: prablemy sa svabodaj słova ŭ ZŠA; vajna va Ukrainie; chraničnyja zachvorvańni i atłuścieńnie ŭ dziaciej, raspaŭsiudžvańniu jakich spryjaju finansavyja intaresy bujnych farmaceŭtyčnych karparacyj i karparacyj charčovaj pramysłovaści. Kienedzi ličyć, što pa hetych pytańniach pazicyi Donalda Trampa jamu bližej, čym pazicyi demakrataŭ.

Prezidenckija vybary ŭ ZŠA projduć 5 listapada. Supierniki — vice-prezident Kamała Charys i 45-y prezident ZŠA Donald Tramp.

Kamientary3

  • Tupy i jašče tupieje
    24.08.2024
    Parazit źjeŭ mozh Kienedzi i vyrašyŭ źjeści i mozh Trampa, bo jany padobnyja. JFK i Bobbi ŭ trunie pieravaročvajucca ad takoha syna/plamieńnika. Pryroda na im adpačyła. I Trampu jon dakładna nie dapamoža.
  • Ładzik
    24.08.2024
    Hodny účynak i absolutnaja praúda pra demakrataú-balšavikoú.
  • Vasil
    24.08.2024
    Tramp sabraŭ cudoŭnuju kamandu.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj20

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj

Usie naviny →
Usie naviny

Na vučeńniach «Zachad-2025» buduć adpracoŭvać udary taktyčnaj jadziernaj zbrojaj i «Arešnikam»17

Muravanku Chraptovičaŭ u Ščorsach vystavili na aŭkcyjon. Kolki kaštuje2

Ci pryjdzie narešcie na nastupnym tydni ciapło3

73-hadovuju minčanku asudzili za ŭdzieł u pratestach i dadali ŭ śpis «ekstremistaŭ»7

U Rumynii siońnia prachodzić vyrašalny tur prezidenckich vybaraŭ4

Rasija zapuściła rekordnuju kolkaść dronaŭ pa Ukrainie

«Inviestycyi ŭ štučny intelekt skončacca chałodnym dušam». Prahnoz IT-biznesmiena Chamianka3

Mieksikanski karabiel sutyknuŭsia z Bruklinskim mostam. Jość paciarpiełyja VIDEA6

Na Jeŭrabačańni vyjhrała Aŭstryja8

bolš čytanych navin
bolš łajkanych navin

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj20

U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić