Na naviedvalnikaŭ fiestyvalu na zachadzie Hiermanii napali z nažom. Minimum try čałavieki zahinuli
Minimum try čałavieki zahinuli, jašče vosiem paranienyja ŭ vyniku napadu nieviadomaha z nažom na ludziej, jakija adznačali Dzień horada ŭ Zolinhienie, piša Deutsche Welle.
Śviatkavańnie 650-hodździa horada ŭ niamieckim Zolinhienie (fiederalnaja ziamla Paŭnočny Rejn — Viestfalija) u piatnicu, 23 žniŭnia, abiarnułasia trahiedyjaj. U siaredzinie prymierkavanaha da pamiatnaj daty «fiestyvalu raznastajnaści» na adnoj z centralnych płoščaŭ horada na prysutnych napaŭ nieviadomy z nažom.
U vyniku napadu, pavodle źviestak na 6.30 ranicy 24 žniŭnia, byli zabityja jak minimum try čałavieki. Jašče vosiem čałaviek atrymali ranieńni, ź ich piaciora — ciažkija, paviedamili ŭ palicejskim upraŭleńni Dziusieldorfa, u akruhovym padparadkavańni jakoha znachodzicca Zolinhien.
Da momantu publikacyi palicyja ŭsio jašče praciahvała pošuki złačynca.
Śviatkavańni, jakija pavinny byli praciahnucca da 25 žniŭnia, byli admienienyja, a hramadzian paprasili pakinuć centralnyja rajony horada.
«Siońnia ŭviečary my ŭsie ŭ Zolinhienie ŭ šoku, žachu i vialikim smutku. My chacieli razam adśviatkavać hadavinu našaha horada, a ciapier nam davodzicca apłakvać zahinułych i paranienych. Majo serca razryvajecca ad taho, što na naš horad byŭ ździejśnieny napad. U mianie navaročvajucca ślozy, kali ja dumaju pra tych, kaho my stracili. Ja malusia za ŭsich, chto ŭsio jašče zmahajecca za svajo žyćcio», — prakamientavaŭ trahiedyju obierburhamistr Zolinhiena Cim Kurcbach y svajoj staroncy ŭ fejsbuku.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary
A kak vy chotieli. navodnili stranu s dikimi nravami i mientalitietom i riezultat ždať nie prichoditsia. Nado ponimať, čto tak budiet riehularno. Diċ.