Sustrečy kiraŭnika Telegram Paŭła Durava i Uładzimira Pucina ŭ Baku nie było. Pra heta zajaviŭ siońnia pres-sakratar prezidenta Rasii Dźmitryj Piaskoŭ, paviedamlaje blizki da Kramla telehram-kanał Puł №3.
«My pakul nie viedajem, u čym kankretna abvinavačvajecca Duraŭ, my nie čuli pakul nijakich aficyjnych zajaŭ na hety kont. I pierad tym, jak niešta kazać, treba dačakacca vyśviatleńnia situacyi: što ž mienavita sprabujuć inkryminavać Duravu. Biez hetaha, napeŭna, było b niapravilna rabić niejkija zajavy», — skazaŭ Dźmitryj Piaskoŭ.
Na minułym tydni vykazvałasia mierkavańnie, što Pucin i Duraŭ sustrelisia ŭ Azierbajdžanie. Kiraŭnik Rasii prylacieŭ tudy z Maskvy ź vizitam da Ilchama Alijeva, a Pavieł Duraŭ prylacieŭ pryvatna z Dubaja.
Paśla Duraŭ adpraviŭsia ŭ Paryž, dzie i byŭ zatrymany ŭviečary ŭ subotu. Siońnia stała viadoma, što ŭtrymańnie jaho pad vartaj praciahnuta na 96 hadzin.
Stała viadoma asoba 24-hadovaj dziaŭčyny, jakuju zatrymali razam z Duravym
Telegram vystupiŭ z aficyjnaj zajavaj nakont zatrymańnia Durava
Prapahanda rasčachliła Pratasieviča: toj prakamientavaŭ aryšt Durava, jakoha taksama zatrymali ŭ aeraporcie
Duravu pradoŭžyli termin utrymańnia pad vartaj u Francyi
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary
Niama Durava - niama " Tielehi " ))
Ale heta nie hetak pracuje )