Zialenski zajaviŭ, što ziemli na Kurščynie Ukrainie nie patrebnyja, ale ich buduć utrymlivać
Kijeŭ płanuje ŭtrymlivać zaniatyja USU terytoryi ŭ prymiežnych rajonach Kurskaj vobłaści na praciahu «niavyznačanaha terminu», zajaviŭ u intervju NBC News prezident Ukrainy Uładzimir Zialenski. Choć sama hetaja ziamla Ukrainie i nie patrebnaja.
«Na hety momant nam heta nieabchodna», — zajaviŭ Zialenski pra zaniaćcie rasijskaj terytoryi.
U toj ža čas jon padkreśliŭ, što sama hetaja ziamla Ukrainie nie patrebnaja, i kraina nie choča tam uvodzić ukrainski ład žyćcia.
Uvohule ž zaniaćcie častki rasijskaj Kurščyny źjaŭlajecca nieadjemnaj častkaj «płana pieramohi» Zialenskaha, jaki jon maje namier padać partnioram, u tym liku ZŠA.
Zialenski pry hetym skazaŭ, što nie moža abmiarkoŭvać, ci płanuje Ukraina dalejšyja apieracyi na rasijskaj terytoryi.
Što da Kurskaj vobłaści, to, pavodle słoŭ Zialenskaha, administracyja Džo Bajdena nie viedała pra apieracyju, jakaja trymałasia ŭ strohim sakrecie navat u samoj Ukrainie.
«Tak, my nikoha nie infarmavali. I sprava nie ŭ adsutnaści davieru», — skazaŭ Zialenski, dadaŭšy, što kontrnastupleńnie Kijeva minułym letam pravaliłasia šmat u čym z-za taho, što jaho šmat rekłamavali i kazali pra jaho, daŭšy Rasii čas na padrychtoŭku.
Pucin paabiacaŭ razabracca z «bandytami, jakija zabralisia ŭ Kurskuju vobłaść»
Pieradavyja hrupy ŭkrainskich vojskaŭ sprabavali prarvacca da Lhova i na trasu Lhoŭ-Kurčataŭ
Stołtenbierh: Nastup USU pad Kurskam zakonny
Kamandujučy armijaj Niderłandaŭ nazvaŭ «bliskučaj» apieracyju pad Kurskam i raskazaŭ pra dazvoł bić pa Rasii
Kamientary