U Minsku pracuje vystava stvaralnika niejra-artu Zachara Kudzina FOTA
Vialiki piersanalny vystavačny prajekt biełaruskaha mastaka, jaki trahična pajšoŭ z žyćcia ŭ 2019 hodzie, padrychtavany pry ŭdziele siamji tvorcy.
«Źjava» — u Nacyjanalnym centry sučasnych mastactvaŭ u Minsku pracuje vystava stvaralnika niejra-artu, biełaruskaha žyvapisca, skulptara, muzykanta Zachara Kudzina. Pra heta piša vydańnie Reform.news.
Ekspazicyja tvoraŭ adnaho z najiaskravych pradstaŭnikoŭ siaredniaha pakaleńnia biełaruskaha mastactva raźmiaščajecca ŭ vaśmi załach. Na vystavie pradstaŭleny viadomyja raboty aŭtara, tak i tyja, jakija raniej nie demanstravalisia. Taksama častkaj vykazvańnia źjaŭlajucca fotazdymki ź siamiejnaha archivu Zachara Kudzina, jaho asabistaha archivu. U pryvatnaści, u adnoj z załaŭ možna ŭbačyć halereju «sełfi» stvaralnika niejra-artu. Jak padkreślivajuć arhanizatary prajektu, adnoj z zadač inicyjatyvy było paznajomić hledača jak z mastackaj ipastaśsiu biełaruskaha tvorcy, tak i pakazać jaho jak asobu.
«Vystava «Źjava» — heta sproba asensavać fienomien tvorcy, jaki staŭ adnoj z samych jarkich zorak biełaruskaha mastactva apošnich dziesiacihodździaŭ», — adznačajecca ŭ anatacyi da prajekta.
Stvaralnik niejraarta Zachar Kudzin naradziŭsia ŭ 1986 hodzie ŭ Minsku. Jaho prafiesijnaje stanaŭleńnie adbyvałasia nie tolki ŭ Biełarusi: paśla zakančeńnia mastackaj vučelni ŭ Minsku mastak pajechaŭ u Ńju-Jork. Žyŭ i padarožničaŭ u Złučanych Štatach, vyvučajučy amierykanskaje art-asiarodździe. Paśla viartańnia ŭ Biełaruś jon ulivajecca ŭ kalektyŭnyja prajekty, supracoŭničaje z halerejami, robić piersanalnyja vystavy. Zachar Kudzin — samy małady mastak, čyja praca znachodzicca ŭ kalekcyi Nacyjanalnaha mastackaha muzieja Biełarusi.
Adnym z najiaskraviejšych prajektaŭ aŭtara ŭ 2019 hodzie stanovicca «Ledziany palot. Haračy kosmas» — rośpis budynka na vulicy Kastryčnickaja ŭ ramkach fiestyvalu urban-arta Vulica Brasil.
Dakumientalny film «Čystaje mastactva» Maksima Švieda nie adbyŭsia b biez udziełu Zachara — u karcinie mastak źjaŭlajecca pravadnikom mastactva ŭ haradskoje asiarodździe. Zdavałasia b, tvorčaja aktyŭnaść Zachara Kudzina tolki ŭzrastała ŭ 2010-ja, adnak u śniežni 2019-ha jon prymaje rašeńnie pajści z žyćcia.
Vystava «Źjava» budzie pracavać u Nacyjanalnym centry sučasnych mastactvaŭ (vulica Niakrasava, 3) da 27 kastryčnika.
U Nacyjanalnym mastackim muziei ekspanujucca ŭnikalnyja vietkaŭskija ikony. Pahladzicie na ich
Minsk jak biełaruskaja stalica na novaj vystaŭcy ŭ Nacyjanalnym mastackim muziei
Razbureńnie stereatypaŭ. Navukoŭcy vyśvietlili, što šedeŭr biełaruskaj skulptury pachodzić z krajniaha ŭschodu Biełarusi
U muziei Bierlinskaj ściany adkryłasia vystava, pryśviečanaja biełaruskam u niavoli
Ciapier čytajuć
Illu Dubskaha ŭ kałonii prymusili samomu sabie lazom zrezać tatuiroŭku z Pahoniaj5
Kamientary