Vybuchi pejdžaraŭ u Livanie pryviali da ranieńniaŭ tysiač čałaviek, prynamsi 12 zahinuli. Ale čamu vybuchajuć pejdžary i čamu imi dahetul karystajucca?
Da ŭčorašniaha dnia pejdžary byli ŭžo zabytaj technałohijaj. Kaliści ich možna było časta ŭbačyć u balnicach, u rabotnikaŭ słužbaŭ ekstranaj dapamohi. Adnak imi praktyčna pierastali karystacca ŭ śviecie paśla taho, jak u pačatku 2000-ch ich vycieśnili mabilnyja telefony, raspaviadaje Bi-bi-si
Što takoje pejdžar
Heta nievialikaja pryłada pamieram z pačak cyharet, zvyčajna prymacoŭvajecca da pojasa dla chutkaha dostupu.
Jany pracujuć, sinchranizujučysia z mahutnymi pieradatčykami. Dla pakryćcia vialikaj terytoryi nie patrabujecca šmat takich pieradatčykaŭ, u adroźnieńnie ad vyšak mabilnaj suviazi.
Ale jak tak zdaryłasia, što pejdžarami dahetul karystajucca?
Krynicy Reuters paviedamlajuć, što letaś «Chiezbała» pačała padazravać, što Izrail adsočvaje ich telefony.
U lutym hetaha hoda bajevikam całkam zabaranili karystacca telefonami padčas praviadzieńnia apieracyj.
Starejšyja siabry «Chiezbały» taksama imknulisia nie prynosić telefony na sustrečy, a lidar hrupoŭki papiaredziŭ, što telefony bolš niebiaśpiečnyja za izrailskich špijonaŭ.
U televizijnym vystupie kiraŭnik «Chiezbały» Chasan Nasrała raniej zaklikaŭ svaich prychilnikaŭ uzłamać, zakapać abo zamknuć svaje telefony ŭ žaleznuju skryniu.
Zamiest hetaha jany vyrašyli vykarystać pejdžary. Pastupova na ich pierajšło šmat členaŭ «Chiezbały».
«Pejdžary razdali čalcam hrupy «Chiezbały» praz bojaź, što ŭ ich telekamunikacyjnuju sietku prakraŭsia Izrail, a smartfony vykarystoŭvalisia dla adsočvańnia i zabojstva ich bajcoŭ», — tłumačyć Chjuha Bačeha.
Jak śćviardžajuć analityki, papiaredžańnie «Chiezbały» ab mabilnych telefonach było zanadta publičnym.
«Pa sutnaści, «Chiezbała» paviedamiła ŭsiamu śvietu, što jany pierachodziać z mabilnych telefonaŭ na pejdžary, — kaža Džozef Stajnbierh, aŭtar knihi «Kibierbiaśpieka dla čajnikaŭ, — vy faktyčna paviedamlajecie voraham, jakich u «Chiezbały» šmat, jakija technałohii vy źbirajeciesia vykarystoŭvać».
Jak pejdžary stali bombami?
Mižnarodnyja ŚMI cytujuć nienazvanyja amierykanskija i livanskija krynicy, jakija paviedamlajuć, što izrailskija apieratyŭniki schavali nievialikuju kolkaść vybuchovych materyjałaŭ u novaj partyi pejdžaraŭ. Hetyja pejdžary nibyta byli impartavanyja ŭ Livan, kali «Chiezbała» zabaraniła telefony.
Adzin z členaŭ «Chiezbały» skazaŭ ahienctvu AP, što heta była novaja marka pejdžaraŭ, jakuju hrupa raniej nie vykarystoŭvała. Pradstaŭnik słužby biaśpieki Livana paviedamiŭ ahienctvu Reuters, što kala 5000 pejdžaraŭ zavieźli ŭ krainu piać miesiacaŭ tamu.
Fota niekatorych paškodžanych vybuchami pejdžaraŭ dastupnyja ŭ sacsietkach. Na ich vidać niekalki indykataraŭ, numar madeli.
Hetyja indykatary, vierahodna, pakazvajuć na madel pejdžara pad nazvaj Rugged Pager AR-924, vyrablenuju tajvańskaj kampanijaj Gold Apollo Company Ltd.
Pieršapačatkova była infarmacyja, što pejdžary byli źviazany z Gold Apollo. Ale tajvańskaja kampanija admaŭlaje svaju datyčnaść, śćviardžajučy, što pejdžary ź jaje nazvaj vyrabiła vienhierskaja kampanija BAC Consulting.
Paśla dvuch dzion masavych vybuchaŭ pryład pejdžary, racyi i telefony ŭ Livanie ličacca patencyjna śmiarotnymi pryładami, praz heta nadzvyčaj pahoršyłasia kamunikacyja ŭnutry ruchu.
Ciapier na vulicach Livana ludziej prosiać nie karystacca ni telefonami, ni pejdžarami, ni racyjami.
18 vieraśnia ŭ haradach pa ŭsioj krainie pačali vybuchać racyi. Pastupajuć paviedamleńni pra sotni paranienych ludziej.
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie23
Kamientary
IQ summarnyj vsiech etich "trutniej" iz siektora nie bolšie 100, rabotať im nado, a nie na napadať na trudolubivych izrailtian.