Śviet2121

Charys i Tramp iduć nos u nos, vynik vybaraŭ ciažka pradkazać, a jany vyznačalnyja dla našaha rehijona

Z ulikam taho, što vakoł Trampa hurtujucca siły, jakija vystupajuć za ŭmiratvareńnie Rasii koštam Ukrainy, ad vyniku hetych vybaraŭ zaležyć raźvićcio situacyi va Uschodniaj Jeŭropie.

Raskładka hałasoŭ zhodna z apošnimi sacyjałahičnymi apytańniami. Infahrafika: realclearpolling.com

Kamała Charys abhaniaje Trampa ŭ ahulnanacyjanalnych apytańniach, ale ich vynik vyrašycca ŭ swing states — niekalkich štatach, jakija hałasujuć to za respublikancaŭ, to za demakrataŭ.

Hetym razam da takich adnosiać Piensilvaniju, Džordžyju, Paŭnočnuju Karalinu, Aryzonu, Nievadu, Viskonsin i Mičyhan.

Na siońnia apytańni hramadskaj dumki addajuć pieravahu Charys u Piensilvanii, Nievadzie, Viskonsinie i Mičyhanie, a Trampu — u Džordžyi, Aryzonie i Paŭnočnaj Karalinie. Pryčym u bolšaści z hetych štataŭ razryŭ składaje navat nie pracenty, a doli pracenta — našmat mienš za statystyčnuju chibnaść.

Tam i vyrašycca vynik vybaraŭ.

Donald Tramp i Kamała Charys padčas debataŭ 10 vieraśnia ŭ Fiładelfii. Fota: AP Photo / Alex Brandon

Biełarusi vyhadna, kab ZŠA zastavalisia mahutnaj dziaržavaj, jakaja b uraŭnavažvała ŭ našym rehijonie Rasiju: Maskva imkniecca da pahłynańnia ŭschodniejeŭrapiejskich dziaržaŭ ci prynamsi tatalnaha kantrolu nad imi. Dla Biełarusi taksama vyhadna, kab ZŠA zachoŭvali aljans z krainami Jeŭropy.

U svaju čarhu, Maskva jaŭna padtrymlivaje amierykanskich izalacyjanistaŭ, jakija vystupajuć za toje, kab ZŠA pierastali abaraniać jeŭrapiejski kantynient.

Izalacyjanisty ciapier hurtujucca vakoł Respublikanskaj partyi, kandydatam ad jakoj idzie eks-prezident Donald Tramp.

Adnačasova Rasija padtrymlivaje antyamierykanskija siły ŭ krainach ES, imknučysia ŭbić klin miž Amierykaj i Jeŭropaj. Maskva spadziajecca z časam dasiahnuć daminavańnia nad jeŭrapiejskim kantynientam.

Realnuju palityku toj ci inšaj amierykanskaj administracyi ciažka pradkazać, jana niaredka adroźnivajecca ad pieradvybarnaj rytoryki. Adnak kidajecca ŭ vočy, što siły, jakija vystupajuć za ŭmiratvareńnie Rasii koštam Ukrainy i Biełarusi, hurtujucca vakoł Trampa. Sumnievy adnosna apraŭdanaści dalejšaj finansavaj padtrymki Ukrainy vykazvali, u pryvatnaści, kandydat u vice-prezidenty ad respublikancaŭ Džej Devid Vens, a taksama syn Trampa — Donald Tramp-małodšy.

Kamientary21

  • Imia
    24.09.2024
    Ojoj, amal sbałansavany artykuł! Što dziejecca.

    A nakont izalacyjanizma, čamu b hladzieć na spravy, a nie na hučnyja słovy?

    Kali padčas" izalacyjanista" Trampa raška siadzieła cicha i tolki vyhrabała parazy, a padčas "internacyjanalista" Bajdena napadała na Ŭkrainu až dvojčy, to moža dla nas lepiej usio ž trampaŭski "izalacyjanizm"?
  • Nadakučyli manipulacyi
    24.09.2024
    „ vakoł Trampa hurtujucca siły, jakija vystupajuć za supakajeńnie Rasii koštam Ukrainy”
    A vakoł Bajdena/Charys chto hurtujecca? Heta ž roŭnieńka toje, čym jany zajmajucca na praktycy ŭsiu vajnu. Chto sarvaŭ kontrnastup? Bajden moh pasyłać zbroju biez rašeńnia kanhresa, ale nie vykarystaŭ hetaha prava.
  • Imia
    24.09.2024
    svoj, važna, kab hałasy ličyli nie tak, jak u 20-m. Kali hramadstva iznoŭ dazvolić machinacyi, heta ŭžo jaho prablema. "…Fool me twice, it's on me" (c).
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»

Usie naviny →
Usie naviny

Hładkaja nazvała Bondaravu i Mirsalimavu čarviami. Azaronak i Łukjanaŭ patrabujuć likvidacyi14

U Niderłandach zabity finansist, jaki raskazaŭ pra admyvańnie hrošaj, arhanizavanaje ŭ minskim H Casino4

Pamočnik Cichanoŭskaj Daniła Harkavy i dola nieviadomych10

Daždžy, ciapłyń, paśla zamarazki: voś što treba viedać pra nadvorje na vychadnyja i paśla

Pakładzicie limon u mikrachvaloŭku — piać chvilin kajfu harantavanyja4

U Minsk ściahvajecca vajskovaja technika1

U Vałhahradzie katafałk ulacieŭ u padziemny pierachod1

Cichanoŭskaja: Rasijskaja apazicyja pavinna dystancyjavacca ad impieryjalistyčnaha naratyvu21

Biełaruskaja čyhunka źbirajecca pravieści aptymizacyju štatu na 30%8

bolš čytanych navin
bolš łajkanych navin

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»2

Filipienka raskazaŭ, ad kolkich svaich knih admoviŭsia b i čamu pradaŭ «Tesłu»

Hałoŭnaje
Usie naviny →

Zaŭvaha:

 

 

 

 

Zakryć Paviedamić