U kancy maja biełarusy ŭpieršyniu praviaduć śviata chaładnika. Da inicyjatyvy dałučylisia Vilnia, Urocłaŭ i Chajfa.
Ideju pra fest biełaruskaha chaładnika padaŭ historyk, kulturołah, adzin z najlepšych znaŭcaŭ tradycyjnaj kuchni Aleś Bieły. Historyk kiravaŭsia prykładam litoŭcaŭ: hetaja strava, jak i mnohoje inšaje, biełarusaŭ ź litoŭcami łučyć.
U kancy traŭnia ŭ Vilni treci hod buduć pravodzić maštabny fest chaładnika. Toje, što pačynałasia jak kulturnickaja inicyjatyva, stała turystyčnaj fiškaj horada. Sioleta i biełarusy Vilni dałučacca da miascovaha śviatkavańnia.
Z 30 traŭnia pa 1 červienia ŭ «Karčmie 1863» (Bokšto g. 2, Vilnia) projdzie mini-fest biełaruskaha chaładnika.
«My z radaściu dałučajemsia da ahulnalitoŭskaha festa chaładnika, kab padzialicca svaimi smakami i adčuć vodar susiedskich tradycyj. U hetyja dni chaładnik stanie simvałam supolnaści, haścinnaści i kulturnaha dyjałohu. Heta naš sposab sustreć leta sa smakam i nahadać usim, jak kaliści my žyli ŭ adnoj dziaržavie, dzialilisia receptami, raźvivali i ŭzbahačali tradycyi adzin adnaho. Bo kulinarnaja spadčyna — heta toje, što abjadnoŭvaje navat praz stahodździ», — raspaviali ŭ «Karčmie».
Ideju Biełaha padchapili jašče niekalki asiarodkaŭ.
Chajfa (Izrail) budzie rabić śviata 29 traŭnia (Hajfa, HaNeemanim 22) u 18:00.
Urocłaŭ (Polšča) pryznačyŭ svoj fest na 31 maja.
Mieracca pravieści Dzień chaładnika i ŭ Batumi (Hruzija).
Pra historyju i recepty chaładnika, samaj letniaj i vyklučna zdarovaj stravy, možna pračytać tut.
Ciapier čytajuć
Cichanoŭskaja: Rytoryka Trampa adnosna Łukašenki niepryjemnaja dla nas, ale jana dazvalaje vyzvalać ludziej3
Kamientary