U kancy traŭnia biełarusy praviaduć śviata chaładnika. Pakul viadoma pra try kropki na mapie.
Jak raspavioŭ «Našaj Nivie» historyk, kulturołah, adzin z najlepšych znaŭcaŭ tradycyjnaj kuchni Aleś Bieły, Chajfa budzie rabić śviata 29 traŭnia (Hajfa, HaNeemanim 22) u 18:00. Batumi — 1 červienia, u 18:00, vulica Davida Kłdziašvała, 32.
U kancy traŭnia ŭ Vilni treci hod buduć pravodzić maštabny fest chaładnika. Biełarusy Vilni dałučacca da miascovaha śviatkavańnia.
Z 30 traŭnia pa 1 červienia ŭ «Karčmie 1863» (Bokšto g. 2, Vilnia) projdzie mini-fest chaładnika.
«My z radaściu dałučajemsia da ahulnalitoŭskaha festa chaładnika, kab padzialicca svaimi smakami i adčuć vodar susiedskich tradycyj. U hetyja dni chaładnik stanie simvałam supolnaści, haścinnaści i kulturnaha dyjałohu. Heta naš sposab sustreć leta sa smakam i nahadać usim, jak kaliści my žyli ŭ adnoj dziaržavie, dzialilisia receptami, raźvivali i ŭzbahačali tradycyi adzin adnaho. Bo kulinarnaja spadčyna — heta toje, što abjadnoŭvaje navat praz stahodździ», — raspaviali ŭ «Karčmie».
Kamientary