Aktyvista ruchu «Za svabodu» buduć sudzić pa šaści palityčnych artykułach. Pahražaje da 12 hadoŭ
Pra zatrymańnie Alaksieja Klušničenki stała viadoma tolki ŭ vieraśni, choć jon za kratami ź lutaha 2024 hoda.
Alaksieju Klušničenku 28 hadoŭ. Rodam jon ź Lubanskaha rajona, vučyŭsia ŭ škole ŭ ahraharadku Račeń. Paśla pastupiŭ u Minsk i skončyŭ Minski radyjotechničny kaledž. Apošnim časam zajmaŭsia hruzapieravozkami, da listapada 2022 pracavaŭ pramoŭtaram u mabilnaha apieratara life:).
Na aficyjnych staronkach ruchu «Za svabodu» napisana, što «Alaksiej byŭ adnym z klučavych aktyvistaŭ pa Minsku, udzielničaŭ u šmatlikich akcyjach i mierapryjemstvach ruchu, kali arhanizacyja jašče była zarehistravanaja i lehalna pravodziła svaju dziejnaść, i šmat zrabiŭ na karyść hramadzianskaj supolnaści».
Pra jaho zatrymańnie stała viadoma ŭ vieraśni 2024 hoda. Vyśvietliłasia, što Alaksieja zatrymali ažno 22 lutaha 2024 hoda.
Sud nad Alaksiejem pačynajecca 29 kastryčnika 2024 hoda ŭ Minskim haradskim sudzie. Jaho abvinavačvajuć u «stvareńni ekstremisckaha farmiravańnia» (č. 1 art. 361-1 KK), «raspalvańni sacyjalnaj varožaści» (č. 1 art. 130 KK), «dyskredytacyi Biełarusi» (art. 369-1 KK), «zaklikach da sankcyj» (č. 3 art. 361 KK), «abrazie Łukašenki» (č. 1 art. 368 KK) i «paklopie na Łukašenku» (č. 1 art. 369 KK).
Maksimalnaje pakarańnie, jakoje mohuć pryznačyć Alaksieju, — dvanaccać hadoŭ kałonii.
Sudzić jaho budzie Michaił Makarevič. Jon prysudziŭ tolki pa viadomych administracyjnych spravach kala 1800 sutak aryštu i 29 000 rubloŭ štrafaŭ. Taksama asudziŭ ludziej bolš čym pa 30 palityčnych kryminałkach. Raniej pracavaŭ u Śledčym kamitecie.
«Naša Niva» — bastyjon biełaruščyny
PADTRYMAĆ20-hadovaha chłopca sa zbornaj pa sudamadelnym sporcie asudzili za «zakliki da sankcyjaŭ». Pahražała da 12 hadoŭ
Što viadoma pra samaha pažyłoha palitviaźnia — 75-hadovaha žychara Chojnikaŭ, jakomu za kamientary prysudzili 3,5 hoda kałonii
Raskazvajem, jak daviedacca, dzie i kamu vy stavili łajki ŭ sacsietkach, i pierastrachavacca
Kamientary