Biełstat ustanaviŭ, dzie ŭ Biełarusi najčaściej chvarejuć i na što
Najčaściej biełarusy pakutujuć ad chvarob orhanaŭ dychańnia. U minułym hodzie imi pierachvareli bolš za 4,5 miljona razoŭ. Heta pryblizna na 375 tysiač mienš, čym hodam raniej, paviedamlaje Biełstat.
U pieraliku na 100 tysiač čałaviek najčaściej ad chvarob orhanaŭ dychańnia pakutujuć u Minsku. U minułym hodzie imi chvareli bolš za 57,8 tysiač razoŭ na 100 tysiač žycharoŭ stalicy. Najredziej — u Bresckaj vobłaści: bolš za 43,1 tysiačy na 100 tysiač.
Na druhim miescy pa raspaŭsiudžanaści — traŭmy, atručvańni i inšyja nastupstvy źniešnich pryčyn. Na ich prypadaje 652 tysiačy vypadkaŭ. U paraŭnańni z 2022 hodam hety pakazčyk taksama skaraciŭsia, tady fiksavali 657,1 tysiačy vypadkaŭ.
U minułym hodzie traŭmy i atručvańni najčaściej zdaralisia ŭ stalicy — kala 8,5 tysiač vypadkaŭ na 100 tysiač čałaviek. Najmienš ich było ŭ Viciebskaj vobłaści: bolš za 5,1 tysiačy vypadkaŭ na 100 tysiač.
Na trecim miescy pa častacie — chvaroby kaściova-myšačnaj sistemy i złučalnaj tkanki. Tut idzie havorka pra 482,2 tysiačy vypadkaŭ u 2023 hodzie. U 2022 hodzie na hetuju katehoryju prypadała 455,6 tysiačy vypadkaŭ. U Minsku fiksavałasia 7,6 tysiačy vypadkaŭ na 100 tysiač nasielnictva, što źjaŭlajecca najvyšejšym pakazčykam pa krainie. Najmienš ich było ŭ Mahiloŭskaj vobłaści: amal 2,5 tysiačy na 100 tysiač.
Rak u 2023 hodzie ŭpieršyniu dyjahnastavali ŭ bolš čym 58 tysiač biełarusaŭ. Hodam raniej taki dyjahnaz byŭ pastaŭleny ŭ 53 tysiač čałaviek.
U pieraliku na 100 tysiač čałaviek rak najčaściej fiksujuć u Homielskaj vobłaści — 654,7 vypadka. Najredziej — u Bresckaj vobłaści: 604,3 vypadka. U Minsku — 637,5 vypadka na 100 tysiač čałaviek.
Z 2015 hoda značna skaraciłasia kolkaść chvorych na tubierkuloz. U 2023 hodzie hety dyjahnaz upieršyniu byŭ pastaŭleny prykładna 1,3 tysiačy čałaviek, a ŭ 2015 hodzie — bolš za 3,1 tysiačy. Najčaściej chvarobu fiksujuć u Homielskaj vobłaści: 19,4 vypadka na 100 tysiač čałaviek. Najredziej — u Minsku: 7,3 vypadka.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary