Hramadstva2424

Rasijanie raskazali, jak namučylisia na biełaruskaj miažy

«Pahladzieŭšy ŭžyvuju na toje, što adbyvałasia i ź inšymi ludźmi, skłałasia ŭražańnie poŭnaha chaosu i marazmu», — kaža siamja Hantaroŭ, jakija viartalisia z doŭhaha jeŭrapiejskaha padarožža.

border checkpoint Terespol-Brest pohraničnyj punkt Tieriespol-Briest pamiežny punkt propusku Terespal-Brest
Vadzim Hantar vioz z saboju dron. Heta vyklikała vializnyja niepryjemnaści. Fota z błoha aŭtara z pikabu.ru

Hetaja historyja z rasijskimi bajkierami adbyłasia ŭ žniŭni. Jaje padrabiaznaściami maładyja ludzi padzialilisia ŭ svaim błohu.

Jak raskazvaje Taćciana Hantar, jany z mužam Vadzimam viartalisia ŭ Maskvu paśla doŭhaha transieŭrapiejskaha padarožža — z Turcyi praz krainy Bałkan, Vienhryju, Aŭstryju, Hiermaniju i Polšču praz punkt propusku Tarespal 11 žniŭnia hetaha hoda. Na miažy byli vielizarnyja čerhi. Ale dziakujučy tamu, što jany jechali na matacykłach, im udałosia paźbiehnuć šmathadzinnaha čakańnia.

Polskuju miažu jany prajšli lohka — jak i ŭsie jeŭrapiejskija miežy da taho. A voś kali rasijanie dajechali da biełaruskaha punkta, ich čakała detalovaja pravierka. «Nikoli nas tak nie treśli», —

zaŭvažaje Taćciana i raskazvaje, što ich spačatku adpravili na renthien, potym razvarušyli ŭsie rečy, pytalisia, navošta im spatrebilisia zapasnyja łancuhi i zmazki i inšyja važnyja ŭ padarožžy na matacykle rečy.

«Karaciej, prydziralisia da ŭsiaho biez vyklučeńnia, heta było padobna da ździekaŭ. Chacieli dakapacca da hadžetaŭ, ale ŭrešcie znajšli toje, što šukali… Heta byŭ dron. Nam, kali ščyra, navat i dumki nie prychodziła, što vyvozić/uvozić ź Biełarusi ich kateharyčna nielha», — piša žančyna.

Jak raskazvaje žančyna, dron u ich zabrali i niekudy adnieśli. Im skazali čakać. Maładyja ludzi pračakali try hadziny. «Nadyšła noč, i stała žudasna choładna». Kali jaje spadarožnik pajšoŭ daviedacca, to jamu paraili ŭziać dron, viarnucca ŭ Polšču i tam jaho pakinuć. Tolki paśla hetaha mužčyna zmoh by ŭjechać u Biełaruś. Dziaŭčyna ŭ hety čas pavinna była čakać na trasie pa-za terytoryjaj punkta propusku. Ad hetaj prapanovy jany admovilisia.

border checkpoint Terespol-Brest pohraničnyj punkt Tieriespol-Briest pamiežny punkt propusku Terespal-Brest
U čakańni na biełaruskaj miažy. Fota z błoha aŭtara na pikabu.ru

Ale praz šeść hadzin čakańnia da pary padyšoŭ pamiežnik i prapanavaŭ inšaje rašeńnie. Adzin ź ich pavinien byŭ pakłaści dron u pakiet i prajści razam ź im da pastoŭ na ŭjezd u Polšču, dzie pradać ci addać dron. Rasijanin tak i zrabiŭ, addaŭšy dron ludziam na vyjeździe ź Biełarusi.

Ale na hetym sprava nie skončyłasia. Bajkieram daviałosia zapłacić štraf u pamiery 6000 rubloŭ (nie ŭdakładniajecca, rasijskich ci biełaruskich) za administracyjnaje pravaparušeńnie. Tolki paśla hetaha ich adpuścili.

Vadzim Hantar z žonkaj da pryhodaŭ na biełaruskaj miažy. Fota z błoha aŭtara na pikabu.ru

«U cełym, pahladzieŭšy ŭžyvuju na toje, što adbyvałasia i ź inšymi ludźmi, skłałasia ŭražańnie poŭnaha chaosu i marazmu. Ja razumieju, što ludzi, jakija pracujuć tam, usiaho tolki vykonvajuć svaje abaviazki, ažyćciaŭlajučy zahady zvyš, ale heta, spadarstva, užo biesčałaviečna», — piša dziaŭčyna.

Nahadajem, što zhadanaja zabarona na ŭvoz, zachoŭvańnie, abarot, ekspłuatacyju i vyrab bieśpiłotnikaŭ fizičnymi asobami ŭ Biełarusi dziejničaje z 28 sakavika hetaha hoda ŭ adpaviednaści z ukazam, padpisanym u vieraśni 2023 hoda.

Kamientary24

  • Volny kient
    12.10.2024
    Rasieja, pry ŭsioj svajoj impierskaści, fanaberyi, nachabstvie i biaźlitasnaści, usio ž taki bolš svabodnaja kraina za biełaruski čumny barak, u jaki biełarusy pad kiraŭnictvam adbitaha psichapata pieraŭtvaryli svaju krainu.
  • *)
    12.10.2024
    Heta rečaisnaść, a nie biesčałaviečnaść, i hetaja rečaisnaść jakuju stvaryli vy i jakuju naviazali nam z našaha (praŭda) maŭklivaha dazvoła
  • Kacapy
    12.10.2024
    [Red. vydalena]
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Izrail pačaŭ novuju chvalu ŭdaraŭ pa Iranie10

Izrail pačaŭ novuju chvalu ŭdaraŭ pa Iranie

Usie naviny →
Usie naviny

Izrailskija ŚMI: jadzierny reaktar u iranskim Natanzie źniščany daščentu12

Kamu ź biełaruskich dziaciej nielha vučycca za miažoj? Minadukacyi prakamientavała našumieły zakon3

Prapahandyst Ihar Tur vyrašyŭ pierasialicca bližej da Astrašyckaha Haradka19

Cichanoŭskaja pra kiejs Mielnikavaj: Situacyja strašnaja32

U Polščy zatrymali afhanca, jaki dumaŭ, što jon u Paryžy. Tak jamu skazaŭ pravadnik, što supravadžaŭ ad miažy Biełarusi3

Jakija časy, takija i prezienty: u biełaruskich aptekach možna nabyć padarunkavyja siertyfikaty1

Izrail zadziejničaŭ dla ŭdaraŭ pa Iranie 200 samalotaŭ2

Iran zapuściŭ 100 dronaŭ pa Izraili3

Tramp adreahavaŭ na avijaŭdary Izraila pa Iranie2

bolš čytanych navin
bolš łajkanych navin

Izrail pačaŭ novuju chvalu ŭdaraŭ pa Iranie10

Izrail pačaŭ novuju chvalu ŭdaraŭ pa Iranie

Hałoŭnaje
Usie naviny →

Zaŭvaha:

 

 

 

 

Zakryć Paviedamić